Attic Handmade Pasta (已結業)

由於差不多生日，所以特別要求要食一間高水準嘅西餐，朋友諗咗兩日就話決定左尖沙咀一間地方方便，又有美味手工意粉嘅高質餐廳。呢個地方好有情調，來拍拖一流！呢到有幾道菜我覺得必點嘅！法式海鮮千層酥盒奶油味香濃，有青口同大蝦等海鮮，裡面有薯蓉同蛋黃，外皮超酥脆，呢個超級好食！神石榴酸橘汁醃海鮮ceviche我不嬲都好鐘意食，呢間不論presentation定味道都好特別！個海鮮有油甘魚，帶子同八爪魚，好新鮮，配埋個酸酸地嘅jelly一齊食，口感同味道都好有層次感！是日餐湯呢日有南瓜濃湯，好creamy，正！意式手工千層麵因為手工整嘅原因，每一層麵嘅口感都有啲q，好好食，千層麵一層面再一層醬，個組合本身已經好無敵！西班牙毛豬梅頭淨係望到個粉粉地嘅顏色已經覺得好吸引！旁邊個醬汁調配得好好味，食完都已經覺得好飽，份量剛剛好！最後好彩有餐廳經理提醒我哋，原來Follows & tag就可以送甜品或紅白酒，如果來慶祝，一定要做啊！然後我都留意到佢哋有做西班牙紅蝦餐，下次再嚟一定要試吓！