峴港安南越南餐廳

營業中

休息中

同阿爸去樂富佛教醫院探阿姨婆，行返出嚟聯合道見到間新餐廳，峴港安南越南餐廳佈置充滿異國情調，餐牌提供優質越南菜，阿爸話想試吓，咁就一齊入去食午餐。峴港特級崩沙腩手工河：上枱後店員先將鋪滿崩沙腩嘅河粉放下，再將湯倒入碗內，湯底好鮮甜，手工河粉比較厚身，口感滑溜，夾埋芽菜一齊食好爽口，崩沙腩鮮嫩多汁， 牛味好濃郁，肥瘦相間 好有咬口。越式蒜香新鮮豬雜檬粉：四款豬雜由廚師決定，呢碗有豬肚、生腸、豬肺、豬頸肉。豬雜都好新鮮，都係以爽口為主，湯底係雞湯，味道比較濃郁。新鮮手打牛筋丸具有濃郁的牛肉香味和口感。越式手作炸春卷：油炸後外皮薄而酥脆，不油不膩，豐富的餡料一口咬下香味四溢，配生菜再加點魚露，口感和味道更提升。香茅單骨雞翼炸至金黃色，口感又香又脆。峴港椰子咖啡賣相擺盤精美，旁邊仲有椰子樹做裝飾，咖啡帶有椰子味，飲落別有一番風味。凍檸茶：茶夠濃，帶有清新的檸檬味，甜度啱啱好。