何車車仔麵 (界限街) (已結業)

已經第五次黎何車車仔麵，每一次食都有驚喜💛✻老何麵十餸(豬皮，豬腸，豬紅，蘿蔔，翼尖，雞翼，魚蛋，肥牛，何車水魷，燒腩肉)鹵水腩汁兩溝湯底，配上微麻辣同芫茜，非常惹味！配餸方面，豬皮同豬紅都醃得好入味，魚蛋嘅咖喱味好香，蘿蔔清甜無渣✻燒牛舌芯、秘製冬菇配米線燒牛舌芯比之前食更加彈牙入味，冬菇雖然大隻，但味道較淡，好似無乜醃過，下次唔會再嗌冬菇✻慢煮手撕雞望落細碟，其實非常足料。雞肉口感正常唔會嚡。醬汁，芽菜，同手撕雞配合得非常好！