Diff. Cafe (已結業)

入到去，即刻有人serve，叫咗個龍利柳長通粉。跟餐先有個南瓜濃湯。幾甜，有口感，南瓜味濃，係啱我口味嘅南瓜濃湯，好飲嘅。之後龍利柳長通粉到。嚿龍利柳真係高質，厚肉，外面層炸漿好薄好脆，但係入面嚿魚仲好嫩滑，食入口不得了。不過覺得龍利柳可以鹹多少少少少。長通粉唔錯，掛得到汁，個汁都係南瓜忌廉汁，都okay嘅，幾香，應該係同個南瓜濃湯同一個origin。最後有杯熱特濃朱古力，拉花幾靚，不過覺得朱古力味唔夠濃，稍微有少少淡。整體而言，食物有質素，服務唔錯。