方叔叔重慶老火鍋 (PopCorn 2) (已結業)

好耐都冇打邊爐啦，今日決定黎食呢間正宗重慶麻辣火鍋，結果質素真係超出我預期咁好，而且入邊熟客好多而店員既態度同服務真係好好，所以佢經常爆滿都係有原因的。睇呢到有好多人都係食麻辣同花膠雞湯鴛鴦鍋，咁又的確係幾抵食而且仲可以飲下雞湯。全程QR code落單而個湯同埋食物都好快到，店員會好仔細講每樣食物係咩，因為我嗌得多肉類，佢驚我地會撈亂仲突登講左幾次，再上每碟食物都有建議既烹煮時間，未食其實已經覺得好用心做，同一般放題或火鍋店唔同。雞湯真係好鮮味而且膠質十足，亦都跟埋雞件，肉質幾嫩冇雪味。麻辣鍋好香而且牛油都落得好足，未食已經狂吞口水。食物方面整體都非常高質，有好幾款未見過既食物，包括小水母、現炸豆皮同埋魚籽蝦滑。小水母食落真係幾正，非常爽口而且好索汁，麻辣湯底加埋佢爽彈既口感好特別。豆皮同一般既響鈴唔同，食落有咬口而且佢即炸既關係所以仲有好香既豆味，1 分鐘左右就會內外都索哂湯，濃郁豆味同埋湯底結合埋真係好出色! 蝦滑食落比一般既更彈牙而且蝦味好濃郁!其他食材其實都好出色，基本上成餐飯食完係會好滿足而且唔覺得有咩係相對差既。真係一定會再幫襯，而家仲有埋食夠$200送$100既coupo