影片
更多
2025-02-07
0 瀏覽
最近朋友帶我去咗尖沙咀天文台道食鐵板燒 😋 揀咗秋田二人前套餐每位 $888，估唔到性價比咁高。🔸季節沙律🔸魚籽鵝肝蒸蛋季節沙律用上粟米、蕃茄、沙律菜同海藻水晶粉，配搭胡麻醬非常開胃，而蒸蛋口感滑溜之餘配搭鵝肝令味道更濃郁，面層仲有勁多魚子。🔸鮮活時令龍蝦 師傅用純熟嘅刀工已經好快將龍蝦處理好，蝦尾係鐵板上仍然郁緊，龍蝦肉肥美飽滿非常鮮甜，再配上龍蝦膏同牛油烹調，令味道再昇華。🔸 原隻鮮活南非鮑魚鮑魚超大隻所以切片方便食用，鮑魚肉質軟嫩鮮甜，想滋味啲可以配上海苔同伴碟醬汁食。🔸季節時令海鮮當日時令海鮮係帆立貝，帆立貝外層煎至金黃色，再配上魚子同其他配料，味道層次相當豐富。🔸香煎頂級鵝肝鵝肝又厚又大件 😍 未食已經流口水，煎得夠香脆之餘入口即溶口感柔軟，而且面層放上魚子同金箔攞滿分。🔸鹿兒島和牛薄燒卷及厚燒牛粒和牛油脂豐富，口感柔軟細膩，牛味濃厚 🤤 伴碟仲有四款調味配搭，味覺多重享受。🔸秋田炒飯🔸炒野菜炒飯材料非常豐富，有雞蛋、櫻花蝦、香蔥、煙肉等等，米粒夠煙韌，粒粒分明有咬口。🔸龍蝦清湯 🔸精選甜品師傅利用剛才嘅龍蝦頭煮成，味道清甜帶有鮮味，最後食埋現場即制的豆沙餅配抹茶雪糕。
最近朋友帶我去咗尖沙咀天文台道食鐵板燒 😋 揀咗秋田二人前套餐每位 $888，估唔到性價比咁高。
🔸季節沙律🔸魚籽鵝肝蒸蛋
季節沙律用上粟米、蕃茄、沙律菜同海藻水晶粉，配搭胡麻醬非常開胃，而蒸蛋口感滑溜之餘配搭鵝肝令味道更濃郁，面層仲有勁多魚子。
🔸鮮活時令龍蝦
師傅用純熟嘅刀工已經好快將龍蝦處理好，蝦尾係鐵板上仍然郁緊，龍蝦肉肥美飽滿非常鮮甜，再配上龍蝦膏同牛油烹調，令味道再昇華。
🔸 原隻鮮活南非鮑魚
鮑魚超大隻所以切片方便食用，鮑魚肉質軟嫩鮮甜，想滋味啲可以配上海苔同伴碟醬汁食。
🔸季節時令海鮮
當日時令海鮮係帆立貝，帆立貝外層煎至金黃色，再配上魚子同其他配料，味道層次相當豐富。
🔸香煎頂級鵝肝
鵝肝又厚又大件 😍 未食已經流口水，煎得夠香脆之餘入口即溶口感柔軟，而且面層放上魚子同金箔攞滿分。
🔸鹿兒島和牛薄燒卷及厚燒牛粒
和牛油脂豐富，口感柔軟細膩，牛味濃厚 🤤 伴碟仲有四款調味配搭，味覺多重享受。
🔸秋田炒飯🔸炒野菜
炒飯材料非常豐富，有雞蛋、櫻花蝦、香蔥、煙肉等等，米粒夠煙韌，粒粒分明有咬口。
🔸龍蝦清湯 🔸精選甜品
師傅利用剛才嘅龍蝦頭煮成，味道清甜帶有鮮味，最後食埋現場即制的豆沙餅配抹茶雪糕。
張貼
