秋山和食屋 (已結業)

店舖細細，試過wall-in，但要等四十五分鐘。因為好想食，所以一於訂定枱。和牛蛋飯本來怕冇汁，會唔會好乾食個飯。但原來有蛋同燒和牛嘅汁，撈埋飯，好好味。燒和牛，生熟程度啱啱好，一啲都唔韌，咬落去連帶啲燒汁，真係好好味。帶子海膽飯友人食嘅。刺身好新鮮。炸豆腐即炸，分開一半嘅時候係出哂煙。佢炸漿部分好薄，唔會有啲好厚而肥膩嘅感覺。配埋佢嘅醬汁，好夾，而且唔會係得個鹹味。雞泡魚干同樣燒得啱啱好，軟硬適中，唔使‘點’醬都已經好好味。高質、地點方便、價錢適中，要再幫襯呀。