影片
更多
2022-08-15
266 瀏覽
一早聽聞呢間餐廳高質，試過之後真係有同感，由於預早book定枱嘅關係，當晚我同友人一去到已經可以入座，見到門口一大堆人喺度等位，就知道呢一間餐廳一定有返咁上下質素。先講環境，食店空間唔算大，長方形格局，四邊牆身設計係以80、90年代嘅香港街道同霓虹燈牌為主題，非常有特色；其中一邊放左裝雪糕同醬油嘅區域，另一邊就放左幾部汽水櫃，俾客人攞野飲；最後唔少得嘅就係時菜區，有生菜、油麥菜、娃娃菜同埋大通菜俾食客揀。我地獲安排坐一張二人枱，雖然空間細細，但星期五晚可以唔使等位嘅情況之下，又有一張唔使搭枱嘅獨立二人枱，都算係唔錯架喇！打邊爐之前會食左雞煲先，我地嗌左小辣，雞肉十分嫩滑，味道濃郁，份量亦足夠兩個人食；之後就打邊爐，餐廳本身已經配備好一壺湯底俾食客食完雞煲之後隨即落湯做火鍋底。我地今次要左套餐B，同套餐A比較，肥牛款式會多啲、生蠔任食同埋啤酒任叫。整體嚟講，食物質素良好：肥牛無雪藏味，入口即化；海鮮方面，是晚海鮮係蟶子，新鮮且味道唔錯，每一份嘅份量亦唔少，非常大方；另外值得一讚嘅係手打蝦滑，非常之彈牙同有蝦味，勝過同類型火鍋店！不過，喺眾多食物配料之中，最令我期待同時最令我失望嘅，就係要
先講環境，食店空間唔算大，長方形格局，四邊牆身設計係以80、90年代嘅香港街道同霓虹燈牌為主題，非常有特色；其中一邊放左裝雪糕同醬油嘅區域，另一邊就放左幾部汽水櫃，俾客人攞野飲；最後唔少得嘅就係時菜區，有生菜、油麥菜、娃娃菜同埋大通菜俾食客揀。我地獲安排坐一張二人枱，雖然空間細細，但星期五晚可以唔使等位嘅情況之下，又有一張唔使搭枱嘅獨立二人枱，都算係唔錯架喇！
打邊爐之前會食左雞煲先，我地嗌左小辣，雞肉十分嫩滑，味道濃郁，份量亦足夠兩個人食；之後就打邊爐，餐廳本身已經配備好一壺湯底俾食客食完雞煲之後隨即落湯做火鍋底。我地今次要左套餐B，同套餐A比較，肥牛款式會多啲、生蠔任食同埋啤酒任叫。整體嚟講，食物質素良好：肥牛無雪藏味，入口即化；海鮮方面，是晚海鮮係蟶子，新鮮且味道唔錯，每一份嘅份量亦唔少，非常大方；另外值得一讚嘅係手打蝦滑，非常之彈牙同有蝦味，勝過同類型火鍋店！不過，喺眾多食物配料之中，最令我期待同時最令我失望嘅，就係要套餐B先食到嘅生蠔，因為食落有明顯嘅腥味，完全唔夠新鮮.......所以我建議大家可以揀返套餐A，一嚟套餐A啲食材款式已經夠多，唔怕無選擇；二嚟套餐B最大嘅賣點就係生蠔，但生蠔質素唔掂嘅話就失去左呢個套餐B嘅最大價值，可以慳埋呢幾十蚊嘅升級費用。
最後講下甜品，雖然佢無某啲火鍋店咁用M字頭雪糕做招徠，但我覺得佢隻乳酪雪糕都非常之好味，佢有兩隻味：原味乳酪同朱古力味，由於時間唔夠嘅關係，我只係食左朱古力味一款，下次幫襯會試埋原味乳酪！
總括而言，18樓雞煲火鍋專門店真係一間高質雞煲+火鍋，每人盛惠$284，性價比嚟講都算幾高！三五知己食放題，呢間係一個唔錯嘅選擇(但要預早Book定枱先~)
雞煲
18 瀏覽
0 讚好
0 留言
張貼
