影片
更多
2022-11-21
49 瀏覽
最近一直想食韓國菜，觀塘唔算好多韓國菜揀，見dodam chicken menu幾吸引，基本常見既韓國菜都有又幾近地鐵站一於食下🙈招牌甜辣芝士無骨烤雞($205)超級拉絲！！芝士熱辣辣鋪滿曬成個烤雞，雖然多但完全唔膩，口感好唔會一餅餅或者太溶。成個好足料，除左有烤雞之外仲有年糕，仲會食到少少蔬菜。烤雞無骨食落好方便，雞肉夠嫩，味道甜甜地好juicy，年糕偏淋身質地。韓式海鮮煎餅 ($155)好大一份兩個人分絕對綽綽有餘，已經切好曬方便一舊舊食🤤海鮮食到有蝦有魷魚，煎餅外層脆脆地，食落唔會覺得成口粉。加左蔥紅椒等等令味道更清新，唔點醬都已經夠味道🙆♀️芝士雞蛋卷 ($135)賣相滿分超級靚😍鋪滿勁多醬超邪惡，但越邪惡既野往往越好味😂芥末醬味最出最好食🤤雞蛋卷好厚卷左好幾層，但咬落軟軟地唔會硬實實咁。上面仲要鋪左唔少蟹籽，中間芝士一切開流曬出黎勁足料🤩香蒜脆雞半份 ($148)食韓國菜點少得叫炸雞😈唔想叫原味炸雞咁普通所以叫左香蒜甜甜地。兩個人分半份每人都有三舊雞食，外皮炸得夠脆同埋每個位都沾得到醬，最後連蒜片都食埋🤣
招牌甜辣芝士無骨烤雞($205)
超級拉絲！！芝士熱辣辣鋪滿曬成個烤雞，雖然多但完全唔膩，口感好唔會一餅餅或者太溶。成個好足料，除左有烤雞之外仲有年糕，仲會食到少少蔬菜。烤雞無骨食落好方便，雞肉夠嫩，味道甜甜地好juicy，年糕偏淋身質地。
韓式海鮮煎餅 ($155)
好大一份兩個人分絕對綽綽有餘，已經切好曬方便一舊舊食🤤海鮮食到有蝦有魷魚，煎餅外層脆脆地，食落唔會覺得成口粉。加左蔥紅椒等等令味道更清新，唔點醬都已經夠味道🙆♀️
芝士雞蛋卷 ($135)
賣相滿分超級靚😍鋪滿勁多醬超邪惡，但越邪惡既野往往越好味😂芥末醬味最出最好食🤤雞蛋卷好厚卷左好幾層，但咬落軟軟地唔會硬實實咁。上面仲要鋪左唔少蟹籽，中間芝士一切開流曬出黎勁足料🤩
香蒜脆雞半份 ($148)
食韓國菜點少得叫炸雞😈唔想叫原味炸雞咁普通所以叫左香蒜甜甜地。兩個人分半份每人都有三舊雞食，外皮炸得夠脆同埋每個位都沾得到醬，最後連蒜片都食埋🤣
張貼
