OPPA韓國燒肉店

營業中

休息中

今日行旺角，經過呢間韓燒同朋友都想食就入左去了，個時7點半左右，唔太多人，反而8點就開始滿座。先唔講味道，服務已經好好，只要服務員得閒就會幫你燒埋，唔想/唔識燒都唔洗驚，當然你亦都可以選擇自己燒想要既熟度。黑毛豬果然名不虛傳，見到賣相已經覺得好吸引，食落覺得肥瘦適中，唔會"韌"，而且可以用生菜夾住食，唔會覺得好油膩，再加埋自己鐘意既醬汁調味，可以有埋甜酸味。A4日本和牛簡直無得頂！賣相100分，油花分佈平均，然後煮到仲有啲粉嫩色，肉質軟嫩，入口即溶，已經諗定下次要食佢個牛拼盤試埋佢其他牛。至於匈牙利鵝肝，覺得份量都算多，呢度既鵝肝比較淋身，但幾香幾滋味，同樣有入口即溶既感覺。另外叫左忌廉溝鮮奶同韓國粒粒提子汁，提子汁入面有一粒粒啫喱咁，幾有口感，甜甜地既。