寶寶雞煲 (已搬遷) 新店位置

打邊爐最緊要既野除左個爐就係食材要新鮮! 今次黎到寶寶雞煲就好感覺到食材新鮮真係差好遠。我地叫左本地新鮮牛肉同手切雪花肥牛, 兩款都有牛味各有捧場客, 而我就鍾意食手切多少少, 因為牛味濃D。之後不得不提手打蝦滑, 大大粒蝦肉係入面, 未落個煲已經估到係正野, 熟左再食不得了! 又爽又彈牙! 點解可以咁好食架!!!其次鍾意食佢既雲吞同九菜餃, 仲有稻庭烏冬! 雲吞同餃覺得係佢地自己整既, 食落好新鮮, 唔似出面街市買果D雪左幾個星期既雪藏餃。烏冬依度雖然雪到硬冰冰, 但淥完出黎好滑, 唔係粗身果隻烏冬, 超好食!最後值得一講既係桂花蚌, 雖然我唔係好食海鮮, 但都食得出好新鮮, 咬落好爽! 朋友們一路食一路讚。