三滝 (已結業)

同朋友經過鰂魚涌，見到呢間新開既魚生外賣店，選擇好似幾多咁，價錢又唔太貴，決定一試！一入到去店員就比左張外賣紙我地睇，因為選擇實在係太多喇，所以我地揀左好耐都未揀到。呢個時候店員就建議我地可以試下D新推介，我見到春日丼有海膽同三文魚，幾岩我心水，就決定一試；而朋友就揀左自選海鮮丼。係等緊個魚生飯既時候店員就同我地吹水，話原來呢間店買夠2個飯就可以送外賣，可以提早叫定先，幾岩番工食Lunch喎，下次可以試下，不過今次我地就企係個鋪到食埋個飯先。等左冇幾耐我個春日丼終於整好，魚生份量都幾充足，三文魚好厚身，海膽亦都有三大嚿。魚生非常新鮮！特別係海膽，好鮮甜冇怪味，呢個價錢黎講幾高質！自選魚生飯賣相亦都好吸引，因為係自選飯所以飯底係飛魚子飯嚟，飛魚子非常足料，每一啖飯都佈滿飛魚子，好鮮甜有口感。魚生亦都非常新鮮，帆立貝大大粒；三文魚同油甘魚都係厚切，味道好鮮甜，非常滿足！整體黎講呢間魚生飯外賣店真係幾高質幾好食，最重要係食材新鮮得黎價錢又合理，我之後應該都會試下用佢個外賣服務XD咁放LUNCH又有多一個選擇。