張公館

營業中

休息中

一早行完工展會同老媽去飲茶，張公館一間可以望到維港景色嘅酒樓，環境開揚舒適，慢慢嘆茶一盅兩件🫖☕️，茶壺有爉燭熱住好貼心。櫻花蝦蘿蔔糕$98看似平平無奇嘅蘿蔔糕，加入櫻花蝦同臘味碎，變得味道豐富，櫻花蝦煎完仲更加香脆。香煎黃金糕$48黃金糕好少喺酒樓見到有得食，工序繁複，正宗印尼黃金糕糕體呈金黃色，內部呈均勻的蜂窩狀，正面可看到細密的蜂窩孔，切片面是細如魚翅絲狀，條紋絲絲向上，口感甜而不膩，有蛋香椰香。脆脆笑哈哈$68腸粉包裡脆卜卜蝦肉春卷，春卷酥脆，蝦肉彈牙，腸粉滑溜。蘿蔔絲酥餅$48蘿蔔絲酥餅外層酥脆，內饀蘿蔔絲清甜，咬落有層次感。百花釀竹笙$58百花就係蝦膠，釀入竹笙，口感細膩，打埋玻璃芡汁，味道清爽。