飲茶 (朗豪坊) (已結業)

九月到而家無飲過茶喇，今日行朗豪坊比個咁可愛嘅流沙包吸引，決定嚟呢度食午餐。疫情下食客唔多，座位同普通點心店一樣，舒適度一般。我哋兩個人叫五樣點心，一個泡飯，的確價錢稍貴，但食物賣相同味道係高質，而且我仲喺玻璃見到點心師傅仲用緊舊式藥材舖嘅秤。有色蝦餃-2件，2件大大粒嘅蝦餃皮除咗顏色點綴外仲夠薄，蝦肉又多又爽。蟹籽燒賣-3件，肉質新鮮。睇住流沙-3件，就係比呢幾粒小可愛吸引我，流沙嘅濃厚度好好，味道亦好好。鴿吞鳳梨-3件，餡嘅味可以，但更欣賞新鮮焗好嘅酥鬆外皮。野菌泡飯-例，職員拎過嚟先將響米倒入，細細鍋，兩個人啱啱好。蜜糖蛋散-3件，去嚫食點心如果有我都必點，做得好鬆化。