影片
更多
2021-12-30
85 瀏覽
前兩日突然想食西餐，咁啱之前聽朋友介紹，就嚟咗尖沙咀呢間意大利菜餐廳。餐廳環境好有氣氛，成間餐廳比較暗，有格調，我幾鍾意。我哋六點去到冇咩人，但差唔多七點就已經滿晒，可見餐廳好受歡迎。前菜有兩個餐包，配海鹽牛油，火腿芝士撻，不錯！👍🏻日式醬油漬糖心蛋黃多士 $148個多士用兩層酥皮夾住三粒糖心蛋黃，上面仲有啲魚子醬，有種淡淡嘅鹹，唔錯。我個人本身唔係幾期待個多士，但佢比想像中好食，兩層酥皮夠脆，蛋黃係半流心嗰隻，口感唔錯，亦唔會太鹹，因為係醃過，就算生食都冇腥味，推薦！流心蟹黃意大利雲吞 $168賣相精緻，入邊嘅餡有芝士，蛋黃，蟹肉，一切開個雲吞，啲蛋黃流晒出嚟，好吸引。個餡好有蟹味，一食落口，個口充滿晒蛋黃同埋蟹肉，好滿足，雲吞皮亦唔會太厚，啱啱好，呢幾樣野意外地夾，有驚喜，個人好推薦！雞白湯手打意粉 $268呢間餐廳嘅主打，手打意粉果然唔同，好有咬口，比一般意粉彈牙，個湯俾足心機，用雞骨熬製，有豐富嘅骨膠原，啱晒女仔，個侍應仲叫我哋趁熱食，如果唔係就會凝固。雞排中規中矩，但勝在唔嚡，整體都唔錯，有種fusion嘅感覺。澳洲M7和牛牛柳 $568擺盤好精緻，我同朋友都俾啲迷你蔬菜吸引
餐廳環境好有氣氛，成間餐廳比較暗，有格調，我幾鍾意。我哋六點去到冇咩人，但差唔多七點就已經滿晒，可見餐廳好受歡迎。
前菜有兩個餐包，配海鹽牛油，火腿芝士撻，不錯！👍🏻
日式醬油漬糖心蛋黃多士 $148
個多士用兩層酥皮夾住三粒糖心蛋黃，上面仲有啲魚子醬，有種淡淡嘅鹹，唔錯。我個人本身唔係幾期待個多士，但佢比想像中好食，兩層酥皮夠脆，蛋黃係半流心嗰隻，口感唔錯，亦唔會太鹹，因為係醃過，就算生食都冇腥味，推薦！
流心蟹黃意大利雲吞 $168
賣相精緻，入邊嘅餡有芝士，蛋黃，蟹肉，一切開個雲吞，啲蛋黃流晒出嚟，好吸引。個餡好有蟹味，一食落口，個口充滿晒蛋黃同埋蟹肉，好滿足，雲吞皮亦唔會太厚，啱啱好，呢幾樣野意外地夾，有驚喜，個人好推薦！
雞白湯手打意粉 $268
呢間餐廳嘅主打，手打意粉果然唔同，好有咬口，比一般意粉彈牙，個湯俾足心機，用雞骨熬製，有豐富嘅骨膠原，啱晒女仔，個侍應仲叫我哋趁熱食，如果唔係就會凝固。雞排中規中矩，但勝在唔嚡，整體都唔錯，有種fusion嘅感覺。
澳洲M7和牛牛柳 $568
擺盤好精緻，我同朋友都俾啲迷你蔬菜吸引咗，我哋嗌左7成熟，個牛柳唔會好韌，筋同肥肉都比較少，唔會影響口感，美中不足係個醬略嫌有少少鹹，同埋個千層薯有啲過厚，每一層如果薄啲，會更好。但呢個我都推薦，畢竟個牛真係好食！
整體而言，今餐都食得幾開心，食物質素高，餐廳環境雅致有格調，侍應嘅服務都好好，主動幫手換餐具，有機會一定會再去！
張貼
