新森林焗之專門店

營業中

休息中

搵食途中，行經很多食店，俾門口焗之專門店口號吸引，想試下有幾出色。下午茶三十幾蚊起一個焗飯，還有飲品，已經不覺得是灣仔價錢，隔離街呢個價食緊薯條餐咋。個餐牌都很多款式，整得好靚，很多加配，價錢合理，飲品都有一大頁介紹。我們一大一小，加了$6有湯有蒜蓉包，真的夠吃。但其他追加小食都好高性價比。太多選擇，問下店員都會講兩句介紹，選了芝士焗咖喱雞伴鮮茄豬扒飯，一次試兩種味道。本想食多點芝士，但店員話碟碟都有芝士所以試雙併。點了好快到，賣相不錯，滿滿的肉及醬料，滿滿的芝士，不是求其亂堆，看上已和以前吃的焗飯很大分別。咖哩有辣及香、咖喱雞啖啖肉冇雪味、豬扒軟稔香甜,同都幾多芝士.羅宋湯香濃多蔬菜，算高質，不是水稀稀的，仲食到牛肉絲。蒜蓉包原來是皇牌之一，豬仔包蒜蓉包，由於飯先來，吃包的時候都凍了，但都吃都香脆，不過熱食應更好味。飲品都係有誠意的，荔枝粒粒梳打,有奇亞籽，成杯靚哂!整體食物都算高質，性價比亦高，原來有其他分店，認識多了一間餐廳品牌焗之專門店，好滿意。不過坐入面卡位，收網絡不太好。