山

營業中

休息中

餐廳採用日式設計感覺非常舒服，而且行出出面仲可以睇到跑馬地嘅夜景。前菜分別有雪鹽蕃茄、海老合桃、北海道水雲。三款食物都非常醒胃，自己最鍾意食北海道水雲，海藻、三文魚籽、青瓜片呢個配搭幾好。燒鱈場蟹半雲丹鱘魚子用煙燻桶焗住上枱，打開時散發出陣陣煙熏味。食材用上金箔、鱘魚子、海膽醬，重有最關鍵嘅鱈場蟹，鮮味沒法擋。甘鯛立鱗燒配松露汁，魚鱗油炸後非常鬆脆，甘鯛肉質肥美又鮮甜，配上松露汁食超級正。天婦羅油炸技術唔錯，每款食材都炸得酥脆而不油膩。壽喜燒全程有職員烹煮，和牛配上日本蛋汁好味程度相信都唔使質疑。品嚐完味道咁濃郁嘅壽喜燒之後，要食返清爽嘅柚子雪葩清一清口腔，雪葩口感綿綿入口即溶。特濃蟹粉烏冬蟹膏份量非常多，顧客可因應自己嘅喜好配上三款不同酸度嘅醋增加口感，每條烏冬都掛滿濃郁嘅蟹粉，溯味得很。最後一道甜品係鮮果雪糕拿破崙，甜品非常有驚喜，拿破崙餅皮酥脆之餘配上麻糬、吉士同芒果，口感層次豐富，唔太鍾意食甜品嘅我都覺得超級正，如果大件啲就仲好。