影片
更多
2023-02-20
3806 瀏覽
宜家Arbor午市提供咗兩款套餐，OMAKASE(HKD1288)同4-course set lunch (HKD888)，OMAKASE唔知道會上乜，但是會話比客人知主菜係乜同埋所有食材都係日本直送。同台所有客人必須揀同一個套餐，今次揀咗貴嘅OMAKASE套餐。arbor麵包一向出色，係紫菜酸種麵包同日式醬油黃油，麵包好鬆軟，同黃油好夾。螢光魷魚壽司撻同魚湯。成個撻其實係個壽司，好特別。螢光魷魚好新鮮，調味唔錯。魚湯入口好重忌廉味道，好creamy。日本番茄雪葩前菜，底下係日本番茄，上面裝飾咗洛神花同雪葩，仲加咗辣油，食落口感好清爽，不過我就覺得辣油同今個前菜唔係好夾，可能唔落會好少少。安康魚肝，最怕就係食哩啲內臟，哩個魚肝處理得好好，唔會覺得腥。今次安康魚肝調味以甜味為主，食落入口即化，同食鵝肝一樣。不過，唔會覺得好滯，細細一件完全唔夠食。海膽烏魚子烏冬，烏冬係手打，好煙韌。海膽食落好高質，好清甜同creamy。烏魚子食落少少鹹口，成份仲加埋魚籽，口感好豐富仲好鮮甜。主菜鴿子，因為我同FD唔食生嘅鴿子，arbor都提供咗7成熟同全熟比我們揀，我們揀咗全熟。鴿腿一如既往嘅優秀，食落好
螢光魷魚壽司撻同魚湯。成個撻其實係個壽司，好特別。螢光魷魚好新鮮，調味唔錯。魚湯入口好重忌廉味道，好creamy。
日本番茄雪葩前菜，底下係日本番茄，上面裝飾咗洛神花同雪葩，仲加咗辣油，食落口感好清爽，不過我就覺得辣油同今個前菜唔係好夾，可能唔落會好少少。
安康魚肝，最怕就係食哩啲內臟，哩個魚肝處理得好好，唔會覺得腥。今次安康魚肝調味以甜味為主，食落入口即化，同食鵝肝一樣。不過，唔會覺得好滯，細細一件完全唔夠食。
海膽烏魚子烏冬，烏冬係手打，好煙韌。海膽食落好高質，好清甜同creamy。烏魚子食落少少鹹口，成份仲加埋魚籽，口感好豐富仲好鮮甜。
主菜鴿子，因為我同FD唔食生嘅鴿子，arbor都提供咗7成熟同全熟比我們揀，我們揀咗全熟。鴿腿一如既往嘅優秀，食落好香口，只用了少少調味料調出鴿肉嘅香味，唔錯。
全熟鴿肉少少熟過頭，不過皮好香，同埋醬料好夾。
士多啤梨甜品，成個甜品食落好清爽，士多啤梨酸甜同cream好夾。
最後上埋咖啡同朱古力，瑪德琳，今次瑪德琳檸檬味重少少，比之前要酥脆，應該係啱啱焗好咗。
今次成個set，全部都好好味，不過對於哩個價錢都有少少tips比返Arbor：
1.兩個set menu價格差左400，但係OMAKASE只係多咗一道前菜，好似少咗D；
2. OMAKASE主菜提供多一個選擇會好少少；
3.希望好似之前嘅，同台可以選擇唔同套餐，比大家可以試多D。
Arbor出色一向高質，比少少tips係希望佢做得更好，一定會encore！
張貼
