GREEN

之前已經嚟食過一次晚餐，因為餐點美味，又有free flow，所以今次再嚟，環境因為樓底比較高，所以冇壓迫感，亦頗有情調☺️今次我哋係星期五，有龍蝦生蠔四道菜晚餐，每位$598加一，有一頭盤，一湯，一主菜，一甜品及無限暢飲😍餐包係芝士竹炭包超級好味，因為夠熱，而且內裏嘅芝士好香同會牽絲，呢個我都refill咗🤭海鮮拼盤呢度係三人份量，分別有螺、龍蝦、蝦、長腳蟹同鮑魚，全部都好新鮮好好味，食完海鮮拼盤都飽咗一大半🤣法式龍蝦忌廉湯非常有龍蝦鮮味，但係敗筆係唔夠熱🥹炭烤加拿大龍蝦伴阿根廷牛柳配紅酒汁及蒜蓉牛油汁龍蝦🦞好彈牙，好好食！但係牛柳比較冇牛味，同埋比較淋，略嫌普通，配菜薯條🍟同雜菜唔錯朱古力慕絲好香濃朱古力味！仲有朱古力🍫脆脆增加口感👍🏻另外亦有free flow🍹可以揀紅酒、白酒、氣泡酒、精選雞尾酒，如果唔飲酒嘅，都可以揀無酒精雞尾酒、果汁、咖啡同茶，呢啲全部都係可以任飲㗎，亦可以隨時轉款，性價比非常高👍