爵樂印度餐廳

營業中

休息中

之前黎食過一次 同腦海諗嘅印度菜好吾同🇮🇳 反而係行fusion路線 口味好適合大眾 打破大家對傳統印度菜嘅觀念🤣🍀精選雜錦燒烤好多燒烤嘅食物都想食 最後決定叫個雜錦燒烤 有大蝦🦐 炭燒鮫魚🐟 烤春雞 印式燒雞件🐔 同埋串燒羊肉卷🐑 每一樣食材都好新鮮 真係可以叫做大魚大肉😝🍀松露奶油咖哩雞柳依個係必叫食物之一 因為真係好好食😆 松露奶油嘅味道好濃郁 每一啖都好入味😚 雞柳有嚼勁 吸埋啲松露奶油味真係好正🤤 用烤餅點松露奶油咖哩汁都好夾 好岩鐘意濃味嘅朋友仔☺️🍀香草烤羊柳羊柳口感好軟嫩 而且份量好多 可以盡情地啖啖肉🤩 食落味道濃厚 冇羊臊味👍🏼 配免治羊肉餡餅一齊食都好正 令到每一啖更加飽滿 味道亦更加香濃 配搭百搭 好滿足😋🍀菠菜蓉芝士每一粒嘅芝士都幾大粒 好有咬口🧀 份量好多 兩個人食嘅話會有啲多 所以可以等有多啲人一齊食飯先再試下😜