Burgerman (欽州街) (已結業)

今日去左深水埗見完客就收工，諗住順便買啲外賣返屋企加餸，咁岩比我聞到勁香嘅肉味，就行左過去，原來係間漢堡包店，話哂好耐無食burger就幫襯下啦。餐牌上有好多種包揀，我見是日推介有豚肉漢堡就揀佢先，之後叫多個和牛漢堡，兩種肉都試哂，鍾意食肉無計哈哈。之後當然有嗌埋小食啦，水牛城雞翼呢個真係唔少得。先介紹返和牛漢堡，個包有煎香過，好有心機，和牛漢堡仲係好有肉汁，牛味濃郁，用荳苗做蔬菜底，都幾健康，最驚喜係沒菜青味，成件事好balance。之後豚肉漢堡就豬肉香同攪碎之後個質感好正，同樣地保留到肉汁唔會乾身。而水牛城雞翼就夠哂大隻，份量夠，醬汁包住成隻雞翼，真係惹味到不得了。除左漢堡，佢啲小食都唔可以錯過，呢間值得過黎再幫襯過。