鮨文

營業中

休息中

我好鍾意食日本菜，一直好想試下比較高質講究嘅日本料理，喺朋友推介下揀咗元朗呢間餐廳嘅Omakase試試。我地一早訂咗枱，準時到達，坐bar 枱，店員向我地簡單介紹餐牌，再送上熱茶熱毛巾。師傅就開始為我地炮製各款別出心裁嘅美食。茶碗蒸白子拖羅佐賀雞肉好嫩滑嘅雞肉，配上甜甜嘅洋蔥同帶酸又清新嘅汁，非常夾，好滋味！赤身中拖羅呢件好特別好有心思，飯上面鋪上兩層中拖羅，上面果層係魚生，鮮甜美味，下面果層係火炙過嘅，油脂重又肥美。好有層次嘅味道同口感。兩款海膽，食第一件時已經覺得好新鮮好正，第二件更驚喜，味道更濃，更甘甜，不得了右口魚邊手卷經火炙後油香肥美，同壽司飯用紫菜包住一齊食，可以平衡番油份，味道更豐富。靜岡密瓜+小蕃茄甜蜜的結尾，連平時唔喜歡食生蕃茄嘅我，都覺得小蕃茄異常清甜，密瓜更加無得彈，非常甜美多汁，建議先食蕃茄後食密瓜。整體感覺非常棒，師傅用心製作，將一道道美食送到面前，逐一介紹，新鮮的材料，岀色的美味，給予我們一次非常難忘的用餐經驗。