港嘢茶檔 (已結業)

真心不私藏呢間有舊香港味道、混雜摩登潮流元素ge 特色餐廳😍😍復古裝潢吸引一班候生仔女幫襯，無論食物賣相、門面、菜式，用high quality嚟形容呢間茶記ge 質素非常貼切。#先上枱係一盅前菜+湯，所用ge 類似瓷器器皿夠晒精緻、充滿中式美感，望到心情興奮。主要有兩款小菜，自己手上呢份係涼拌海帶貝類裙邊，另外係紅蘿蔔絲拌餣蘿蔔，酸酸甜甜，非常開胃。食完拎開上層見到浮住菇菇ge 清雞湯，清得嚟夠味，幾好飲👍🏻而且每個星期款式會轉，決定咗要再揾日嚟食😋#令人驚艷的前菜之後，就係大大一碟肉扒配炸薯角薯餅+雜菜，餐具配撘搞到成個all day breakfast 咁，真係好嘆。我叫嗰碟叫「大大塊雞扒」但size冇厚切豬扒咁大，煎得幾好。雜菜方面有磨菇粒、翠玉瓜、生蕃茄半隻、沙津菜、四季豆等，營養均衡。好少出街飲，見食評推薦香滑奶茶，果然係最正。