富豪酒家

營業中

休息中

過完中秋又到左我自己另一個滿心歡喜嘅蟹季，周圍都有大閘蟹宴，我就選擇咗豪華派嘅富豪酒家超值大閘蟹宴，款款都別具心思。首先第一道菜就已經係非常珍貴嘅生拆大閘蟹粉翅，現場即煮直擊真係生拆蟹粉，原汁原味最新鮮嘅程度獻上，砂鍋翻炒香到不得了。一條條粗身嘅魚翅同高湯按一比一比例逐一下鍋，出唻濃度啱啱好，實至名歸嘅色香味俱全。另外戲肉當然就係原隻嘅江蘇大閘蟹，每一隻都夠晒飽滿，真係未食都已經流晒口水，對半打開認真係爆膏，半透明蟹膏夠晒吸引，食完喺黃蟹膏之後裏面啲蟹肉都千祈唔好錯過！清甜嘅程度超出預期。食完個全蟹宴最好嚟返啲滋補甜品，薑茶芝麻湯圓，始終大閘蟹都係比較寒涼嘅食物，所以師傅都好貼心諗咗一度有薑嘅甜品可以愛嚟驅寒，味道果然夠薑，流心嘅芝麻湯圓軟軟糯糯，清新又滋潤，食完個身都暖一暖。