COBALT

營業中

休息中

烤慢煮美國豬肋骨（半份 $118)呢個非常驚喜，我哋叫咗半份，一上枱咁大碟，性價比極高，仲有班薯條同埋粟米伴菜，豬肋骨考得非常軟林林，好容易切，仲要骨與骨之間超級多肉，非常入味，必食！紫菜椒鹽魷魚鬚 $98椒鹽再加埋檸檬汁，魷魚鬚唔韌。雞翼三味（青檸黑椒，13香，避風塘) $78呢度寫住三味，但係唔係其實包晒三個味道，只係三個味道揀其中一樣，咁我哋就揀咗避風塘，一上枱非常之香。好似食緊避風塘海鮮嗰啲味道咁，跟住雞翼炸得非常之鬆脆，加埋避風塘，惹味到不得了。非常有驚喜！香茅燒虎蝦 $108會有碌香茅插着隻蝦，一食有香茅嘅味道就會諗起家鄉泰國🤤🤤🤤🤤海膽忌廉汁蟹肉意大利飯 $138毫無吝嗇蟹肉，差唔多每一啖都可以食到蟹肉，個意大利飯，口感啱啱好，唔會太淋同埋太硬。