影片
更多
2024-11-23
220 瀏覽
銅鑼灣Sogo做緊感謝祭，血拼前緊係要食餐飽，老公話不如食個德國餐廳weekend brunch。餐廳幾大，歐式酒吧裝修。Weekend Brunch由12點至下午3點，真係可以食到飽。Menu主菜都幾多嘢揀，另外包沙律吧、熱盤、甜品同飲品。如果唔食主菜， $208就任食。而主菜其實價錢唔貴，脆皮燒豬手二人份都只係$488 for 2。另外，自取item refill得快，唔駛驚想食之後就無。另外桌上有個熱飲餐牌，原來係冬日酒熱飲系列。其中一款係紅酒配上唔同嘅酒味果汁，幾特別，下次晚飯要飲飲先。脆皮燒豬肘配酸椰菜及炸薯角：二人份量豬手幾大隻，賣相吸引。職員送上後，會問要唔要切埋，切嘅時候仲出晒煙。豬手外皮燒得幾靚，咬落好脆，肉嫩juicy，唔肥，一D都唔韌。酸椰菜爽口，唔會太酸。炸薯角好有薯仔味，唔夠可以在外面取。呢個係signature主菜之一，推介！推介！熱盤：款式選擇多，德國豬肉腸肉味濃，芝士腸皮脆卜卜，另外仲有咖喱角、德式薄餅、芝士西蘭花同蛋餅等，整體都幾好味。凍肉盤：有兩款肉，質素幾好，唔會話好碎濕濕，巴馬火腿鹹鹹香香，配埋蜜瓜就最夾。湯：周打蜆湯夠熱，配料蜆肉都算大粒夠多，
餐廳幾大，歐式酒吧裝修。Weekend Brunch由12點至下午3點，真係可以食到飽。Menu主菜都幾多嘢揀，另外包沙律吧、熱盤、甜品同飲品。如果唔食主菜， $208就任食。而主菜其實價錢唔貴，脆皮燒豬手二人份都只係$488 for 2。另外，自取item refill得快，唔駛驚想食之後就無。另外桌上有個熱飲餐牌，原來係冬日酒熱飲系列。其中一款係紅酒配上唔同嘅酒味果汁，幾特別，下次晚飯要飲飲先。
脆皮燒豬肘配酸椰菜及炸薯角：二人份量豬手幾大隻，賣相吸引。職員送上後，會問要唔要切埋，切嘅時候仲出晒煙。豬手外皮燒得幾靚，咬落好脆，肉嫩juicy，唔肥，一D都唔韌。酸椰菜爽口，唔會太酸。炸薯角好有薯仔味，唔夠可以在外面取。呢個係signature主菜之一，推介！推介！
熱盤：款式選擇多，德國豬肉腸肉味濃，芝士腸皮脆卜卜，另外仲有咖喱角、德式薄餅、芝士西蘭花同蛋餅等，整體都幾好味。
凍肉盤：有兩款肉，質素幾好，唔會話好碎濕濕，巴馬火腿鹹鹹香香，配埋蜜瓜就最夾。
湯：周打蜆湯夠熱，配料蜆肉都算大粒夠多，忌廉味香，口感creamy，幾好飲。
沙律吧：可以自選沙律菜加自己想食嘅醬汁，亦有調好味嘅沙律，而我就覺得紅蘋果、青蘋果、菠蘿同士多啤利加沙律醬幾好食。凍海鮮：蝦比較大隻，青口size適中，唧少少檸檬汁會比較清新，都OK喎。
甜品：有4-5款甜品同水果，芝士撻芝士味剛剛好，唔會過濃；麵包布丁蛋味幾香；Brownie口感厚實，連埋鋪面果仁幾好食；而我就最鐘意就係吉士千層酥，外皮好鬆脆，吉士醬夠多，都幾邪惡。整體甜品唔會話好甜，幾唔錯。
飲品：凍檸茶正常，糖水自己落。
張貼
