影片
更多
2022-04-16
186 瀏覽
🤰🏻今日同老公去咗一鍋堂🥘食個early dinner。疫情惡化前同姨媽食過一次，連我姨媽都話正！一直都想帶老公去，但疫情突然來襲，又擱置了。適逢有消費券，疫情又緩和咗，立即帶老公去一鍋堂食餐飽！哩間餐廳外成日都排長龍，我哋懶得排隊等位，決定晏少少🤏🏽先去。我哋三點零去到，唔使等位，但裡面都見到唔少人。餐廳裝潢簡潔清新，門口廣闊同有少少日系，裡面有兩三個打卡位，餐廳空間寬闊，坐得好舒服。我哋揀咗100分鐘午巿火鍋放題B餐——特選安格斯牛，懶係養生咁揀咗養生藥膳湯底。佢哋用QR Code落單，好方便。食物種類多元化，總有一款啱你口味。佢哋亦有自助區，有火鍋食品、熟食食品、咖啡機☕️同雪糕機🍦。飲品亦有好多唔同選擇🧃，最特別係佢哋有四款自家製涼茶及特飲，包括洛神花茶、蝶豆花茶、冰糖燉檸檬同薄荷烏龍茶，不過唔係好啱我口味。藥膳湯底好足料，見到有杞子、龍眼、蒜頭、當歸、紅棗、大蔥等，味香保健，仲一啲都唔油膩，喺放食物入去之前我忍唔住舀左幾碗嚟飲😅。我哋今日嗌咗多款食物，以下係我哋最推介嗰5️⃣款：🥇 封門柳🐂——肉質細嫩軟滑，牛肉味濃郁，油花細緻及分佈均勻，有少少入口即化的感覺。我哋今日不斷enco
哩間餐廳外成日都排長龍，我哋懶得排隊等位，決定晏少少🤏🏽先去。我哋三點零去到，唔使等位，但裡面都見到唔少人。
餐廳裝潢簡潔清新，門口廣闊同有少少日系，裡面有兩三個打卡位，餐廳空間寬闊，坐得好舒服。
我哋揀咗100分鐘午巿火鍋放題B餐——特選安格斯牛，懶係養生咁揀咗養生藥膳湯底。
佢哋用QR Code落單，好方便。食物種類多元化，總有一款啱你口味。佢哋亦有自助區，有火鍋食品、熟食食品、咖啡機☕️同雪糕機🍦。飲品亦有好多唔同選擇🧃，最特別係佢哋有四款自家製涼茶及特飲，包括洛神花茶、蝶豆花茶、冰糖燉檸檬同薄荷烏龍茶，不過唔係好啱我口味。
藥膳湯底好足料，見到有杞子、龍眼、蒜頭、當歸、紅棗、大蔥等，味香保健，仲一啲都唔油膩，喺放食物入去之前我忍唔住舀左幾碗嚟飲😅。
我哋今日嗌咗多款食物，以下係我哋最推介嗰5️⃣款：
🥇 封門柳🐂——肉質細嫩軟滑，牛肉味濃郁，油花細緻及分佈均勻，有少少入口即化的感覺。我哋今日不斷encore哩一款！
🥈 流心魚蛋🍥——最初見到都唔知裡面個心係乜，純粹貪得意試吓。點知，一試難忘！真係估佢唔到，中間原來係鹹蛋黃，係超·香·嘅·鹹·蛋·黃·蓉！超新奇！魚蛋亦好爽口彈牙，食完即刻出去攞多轉。
🥉 美國安格斯牛肉🐂——肉質鮮嫩，油香與肉味比例平均，牛肉味香濃，薄切大片。一流！
4️⃣ 蟹籽手打蝦滑🦐——新鮮彈牙！我老公十分欣賞，佢話：「蝦滑我食得多，但有蝦味嘅蝦滑真係比較少有，哩度嘅蝦滑，掂！」
5️⃣ 手作菠菜皮韭菜餃🥟——菠菜皮特別，韭菜豬肉餡好香，最緊要係唔油膩，健康之選！
好滿足嘅一餐，我哋食到大住肚咁走，下次想試吓麻辣湯底🥢。
蟹籽鮮蝦滑
6 瀏覽
0 讚好
0 留言
封門柳
6 瀏覽
0 讚好
0 留言
流心魚蛋
17 瀏覽
0 讚好
0 留言
九份素綠糕
11 瀏覽
0 讚好
0 留言
魚皮
2 瀏覽
0 讚好
0 留言
張貼
