影片
更多
2020-11-10
2391 瀏覽
星期日去咗九龍灣行街，順便喺嗰頭食晚餐。淘大有間頗高人氣嘅釜飯店，叫咗「釜之魂釜飯專門店」。我哋八點鐘去到，要等嗌飛，好彩都唔駛等好耐😉。餐廳有上下兩層，座位好多，但有少少迫；不過用隔板將座位分隔得好全面，食客食得安心👍。另外，裝修好明顯展示出佢係一間支持香港人嘅店💛。餐廳訂價好平，主食大部份都係一百蚊樓下，而小食更只係賣十幾至卅幾蚊不等‼️，絕對係性價比高。不過當價錢咁抵食嘅時候，我有一刻擔心食物質素會唔會因此退而求其次。點知食物味道令我哋喜出望外，全部都幾好食😋，而且份量仲要超多！古味塩麴牛舌盛釜($98)，嚟得呢度一定要試釜飯，作為餐廳名物果然無令人失望。釜飯可以揀唔同餸料，例如鰻魚、豬腩肉同牛肉等，我就要咗牛舌。🐮👅牛舌有六大片，厚薄適中有咬口，牛味濃郁。牛舌本身已經鹹鹹哋，好入味。釜飯用一個獨特嘅容器裝住，我睇餐牌介紹依個鍋可以將食材嘅精華帶到去飯度。🍚釜飯用上大大粒嘅珍珠米，唔止得白飯嘅米香，仲有食物嘅味道同香氣，但唔會過濃、喧賓奪主。飯入面仲有唔少蔬菜同蛋絲，正啊😋。蕃茄牛肉湯稻庭湯烏冬($68)，本身諗佢會唔會好頹，點知出品又係令人有驚喜。先講湯底，🍅蕃茄湯好惹味🤤，食得
星期日去咗九龍灣行街，順便喺嗰頭食晚餐。淘大有間頗高人氣嘅釜飯店，叫咗「釜之魂釜飯專門店」。我哋八點鐘去到，要等嗌飛，好彩都唔駛等好耐😉。
餐廳有上下兩層，座位好多，但有少少迫；不過用隔板將座位分隔得好全面，食客食得安心👍。另外，裝修好明顯展示出佢係一間支持香港人嘅店💛。
餐廳訂價好平，主食大部份都係一百蚊樓下，而小食更只係賣十幾至卅幾蚊不等‼️，絕對係性價比高。
不過當價錢咁抵食嘅時候，我有一刻擔心食物質素會唔會因此退而求其次。點知食物味道令我哋喜出望外，全部都幾好食😋，而且份量仲要超多！
古味塩麴牛舌盛釜
$98
31 瀏覽
0 讚好
0 留言
釜飯用一個獨特嘅容器裝住，我睇餐牌介紹依個鍋可以將食材嘅精華帶到去飯度。🍚釜飯用上大大粒嘅珍珠米，唔止得白飯嘅米香，仲有食物嘅味道同香氣，但唔會過濃、喧賓奪主。飯入面仲有唔少蔬菜同蛋絲，正啊😋。
蕃茄牛肉湯稻庭湯烏冬
$68
19 瀏覽
0 讚好
0 留言
🍜烏冬採用扁身嘅麵條，口感滑得嚟有嚼勁，亦幾掛湯。肥牛量係多嘅，但就有少少韌。另外，烏冬同樣有好多蔬菜，更加有海帶。題外話，烏冬鍋隻匙羹好大隻🤣。
髒髒炸香蕉(朱古力)
$18
44 瀏覽
0 讚好
0 留言
沖繩苦瓜餃子
$24
22 瀏覽
0 讚好
0 留言
黑松露玉子燒
$18
31 瀏覽
0 讚好
0 留言
升級套餐(+$18)，十八蚊有前菜、麵豉湯同飲品，都抵加嘅！前菜係辣芽菜，賣飛佛😍。
凍蘋果蜜(+$3)，凍飲要加錢，但起碼係大大杯。🍎餐廳落咗大量蘋果蓉去沖，夠味。
總括嚟講，食完之後我哋都明白點解小店咁高人氣👏，食物質素同定價令人滿意，釜飯以外嘅食物同樣好食。餐廳如果開分店就好喇，始終未必成日去淘大嘛。最後奉上餐廳完整餐牌以供參考🙏🏻。
張貼
