八不·壽喜燒

營業中

休息中

上個星期六放學行過見門面幾有和風特色，所以拉埋個同學仔一齊入去醫肚。店舖不太，可容納二十人左右，但都有唔少選擇，而且用QR code落單，非常方便。裡面裝修同門面一樣咁有和風特色。天氣咁凍，好似得10度，當然要食個壽喜鍋暖下身。$148真係幾抵食，包一碟牛板腱、一盤菜和葛絲、一隻蛋、一壺壽喜燒汁和一壺清湯。兩個女仔share加一至兩款小食都夠飽。望落好豐富睇個樣就知碟牛板腱質素唔差。輕輕加熱然後沾上少少蛋液食落幾有牛肉香，口感彈牙順滑，又唔油膩，會唔覺唔覺一片一片咁食哂。除左牛板腱，包既蔬菜都好新鮮，而且份量又不少，例如：南瓜有兩片，兩個人share都唔洗爭食。一口和牛好有油脂香，煎到有d脆邊，一口咬落去，d油脂爆哂出黎，幾過癮。最後，侍應姐姐仲送左罐橙汁同蘋果汁比我地飲。我果罐橙汁酸酸甜甜，無X汁先生咁甜，感覺天然同健康好多。