九十番地居酒屋

營業中

休息中

呢間係尖沙咀嘅居酒屋非常高質，令人好似去咗日本旅行咁嘅感覺。刺身方面，點咗本鮪拖羅，有大拖羅同中拖羅，超好食，口感滑嫩，鮮味十足！脂肪分佈得啱啱好，搭啲醬油更加完美。另外重點咗五件壽司，啲魚生全部都好新鮮，最鍾意嗰個左口魚壽司，非常肥美，入口即化。熱食方面，點左壽喜燒牛肉鍋，牛肉鮮嫩得令人驚喜，湯汁甜鹹啱啱好，加埋新鮮蔬菜，整體味道超豐富，特別啱喺冬天食，好暖胃！山口縣瓦片牛肉蕎麥麵最驚喜，原來佢唔係冷盤，呢個蕎麥麵做法好特別，佢係將啲麵煎香，勁惹味。