嵐山日本料理

營業中

休息中

嵐山難得齊人食飯，約埋好朋友一齊慶祝，對自己好啲，當然食要食好啲啦。今日就選擇左喱間聽朋友極力推薦嘅日本餐廳，食餐豪嘅。入座後，感覺坐得好舒服，唔會話迫迫硤硤，環境優美雅緻，柔和嘅燈光，為喱一餐打開序幕。睇一睇menu，選擇非常多，有成13頁菜單，另外加上一個獨立嘅季節限定推介。我就係海膽迷黎嘅，睇到季節限定menu上面有北海道嘅海膽，當然要叫黎試下啦。叫左一件北海道海膽壽司，滿滿嘅海膽堆砌係壽司飯上面，多到差啲流出黎，份量十足嫁。海膽非常新鮮，喱種新鮮係拍得住係日本食咁新鮮，好鮮甜完全無腥味，我鐘意北海道海膽嘅甘味同咸味無咁強，唔會蓋過香甜味，非常出色。八點刺食得日本野緊係要叫刺身啦，今次就叫左佢嘅八點刺，有八款唔同嘅刺身。望落唔係份量好多，好似會唔夠喉？咁又唔會喎，因為每一片刺身都屬於超厚切，而且切口好靚，水準好高。上面有大大舊海膽，海水味比北海道嘅重好多，食落比較鹹。帶子超大粒，又爽又甜，加埋少許檸檬汁吊下味更一流。而吞拿魚同油甘魚就係其中最出色嘅，非常肥美，油脂滿載，入口甘香，鮮味十足，好高質素。