Mano (The L. Square)

Happy friday 決定去間銅鑼灣人氣西餐廳，好好放鬆下！位置就腳，地鐵站行2分鐘就到餐廳環境暗暗地有氣氛，見到好多都係放工黎chill住食，有bar枱有窗口位。雖然坐滿咗8成枱，不過唔算嘈，熱鬧得剛好！點菜環節好快搞掂，因為都係叫d 人氣菜式先係個小食 自家製意式肉丸喜出望外👍🏻👍🏻肉丸食得出真係手製冇呃人，淋滑嫩口，非機器粗糙質地！茄汁都整得好出色👌🏻👌🏻 鮮茄醬真才實料，仲點咗好多薯條食😆🤣🤣再嚟芝士炸薯條，次次食西餐都一定要食薯條🤓超正，新鮮炸起，芝士份量都好足夠！意式烤安格斯肉眼扒，配澳洲西蘭花苗三百幾蚊，對得住個價錢，肉汁嫩口，肥瘦適中，廚師唔會煎到好多血水，一句講晒好食，秒清咗！西蘭花苗都烤得好出色，份量多啲就好好啦！卡邦尼扁意大利麵意大利麵係手做 ，略嫌質地唔夠彈牙，但係食落都無粉感，都食得出係手工意粉👍🏻豬肉同芝士都有誠意烹調過，卡邦尼汁咸香足夠，煮得唔錯。總括來講會俾8分，氣氛+食物都有質素，定期會再來食佢個肉丸！