影片
更多
2023-05-31
729 瀏覽
呢晚同外國嚟嘅朋友過嚟呢間海邊中式餐廳食飯 望住個五光十色嘅海景食飯 心情真係零舍好☺️ 呢度嘅菜式擺盤精緻 打卡影相都絕對唔會失禮八味金磚豆腐金磚豆腐 外脆內軟 作為前菜真係夠晒開胃🤤 豆腐真係好滑同埋好軟身 所以用隻匙羹傍住會比較好😛龍井燻太爺雞最推介係呢碟太爺雞 一上碟嘅時候 店員會喺你面前揭起個蓋 真係會有啲煙燻嘅香味走出嚟 擺盤都好靚 雞肉嫩滑 有肉汁 雞皮豉油味為主 唔會太肥膩 食晒佢都唔會覺得好邪惡🐥 側邊仲有一啲脆嘅龍井葉🍃 令口感同香氣再提升蔥油炒飯配白雲帶子本來睇Menu見到呢個名 都冇諗過係呢一個賣相 真係非常有驚喜🤣 蔥油炒飯係喺碟嘅中間 呈綠色 炒飯嘅周圍有個口味相當夾嘅芡汁 入面有蛋白 帶子同埋番茄粒🍅 個炒飯非常有層次 因為仲有面頭有啲炸蔥🫢真係好香黑金流沙包呢個甜品真係相當精緻 流沙包外層唔會太厚 入面嘅奶黃流沙相對比較甜 拎嚟做甜品啱晒😮桂花烏龍呢度都有好多款唔同嘅茶葉可以選擇 有香片 普洱 龍井等等嘅選擇🍵 我就揀咗我最鍾意嘅桂花烏龍 歎住茶一路同朋友談談近況 真係一個唔錯嘅選擇呢度嘅環境真係好舒適 海景只係一步之遙😚 同埋呢度嘅餸菜都算幾高質 如果下
呢晚同外國嚟嘅朋友過嚟呢間海邊中式餐廳食飯 望住個五光十色嘅海景食飯 心情真係零舍好☺️ 呢度嘅菜式擺盤精緻 打卡影相都絕對唔會失禮
八味金磚豆腐
金磚豆腐 外脆內軟 作為前菜真係夠晒開胃🤤 豆腐真係好滑同埋好軟身 所以用隻匙羹傍住會比較好😛
龍井燻太爺雞
最推介係呢碟太爺雞 一上碟嘅時候 店員會喺你面前揭起個蓋 真係會有啲煙燻嘅香味走出嚟 擺盤都好靚 雞肉嫩滑 有肉汁 雞皮豉油味為主 唔會太肥膩 食晒佢都唔會覺得好邪惡🐥 側邊仲有一啲脆嘅龍井葉🍃 令口感同香氣再提升
蔥油炒飯配白雲帶子
本來睇Menu見到呢個名 都冇諗過係呢一個賣相 真係非常有驚喜🤣 蔥油炒飯係喺碟嘅中間 呈綠色 炒飯嘅周圍有個口味相當夾嘅芡汁 入面有蛋白 帶子同埋番茄粒🍅 個炒飯非常有層次 因為仲有面頭有啲炸蔥🫢真係好香
黑金流沙包
呢個甜品真係相當精緻 流沙包外層唔會太厚 入面嘅奶黃流沙相對比較甜 拎嚟做甜品啱晒😮
桂花烏龍
呢度都有好多款唔同嘅茶葉可以選擇 有香片 普洱 龍井等等嘅選擇🍵 我就揀咗我最鍾意嘅桂花烏龍 歎住茶一路同朋友談談近況 真係一個唔錯嘅選擇
呢度嘅環境真係好舒適 海景只係一步之遙😚 同埋呢度嘅餸菜都算幾高質 如果下次再招呼啲好耐冇返嚟香港嘅朋友食飯 我都會推薦呢間😎
張貼
