富豪酒家

營業中

休息中

「阿翁鮑魚」相信大家都一定聽過。由翁先生掌舵嘅《富豪酒家》連續13年得到米芝蓮一星殊榮，真係唔簡單。無太多花巧嘅東西，但善於將食物嘅鮮味發揮到極致。✨原燉爵士湯 非常足料嘅靚湯，以響螺頭、花膠、老雞、排骨、鳳爪等煲成，仲有蜜瓜（選用美國蜜瓜，因為會更清甜），全部都係上等靚料，整體好清甜。當年鄧肇堅爵士好喜歡飲呢個湯，所以就叫「爵士湯」。✨油泡鳳尾蝦帶子鳳尾蝦同帶子都好鮮甜彈牙，簡單但美味。✨香蔥花蟹炆冬瓜 上菜時還原返成隻蟹嘅外型出黎，賣相非常吸引。採用當日新鮮游水蟹，連同冬瓜同一齊炆，啲冬瓜夠哂腍，吸收哂蟹嘅鮮味，蟹肉當然非常鮮甜，將簡單嘅食材昇華哂。高質。✨金針雲耳蒸雞雞件好嫩滑，金針同雲耳都好爽口。如果有碗白飯我一定連汁都撈埋。✨富豪砂鍋炒飯以砂鍋盛載，溫度保存得好好，材料只用了葱花、瑤柱、雞蛋漿和鮑魚汁調味，香氣十足，飯粒分明。✨蛋白生磨杏仁茶杏仁香得黎唔會太強烈，好滑，連同蛋白，非常有益。✨精選甜點有十分足料椰汁馬豆糕同欖仁合桃酥 ，兩者簡單得黎都好好味。