淥鼎記

營業中

休息中

之前幾次想去，但每次都好多人，今晚終於去咗試呢間。首先餐廳選擇多，先係上咗個刺身，刺身就正常唔無咩特別(咁始終佢唔係日本料理，我覺得正常已經足夠)，然後到雞煲同酸菜魚(2揀1)，咁我就揀咗雞煲，個雞煲都有唔同辣度揀，揀咗個微辣。上枱嘅時候已經好香，同埋啲雞好入味，不過最正係雞煲入面啲洋蔥，超香。同埋有幾多款小食，鹽酥雞好見脆同好香，凍木耳都唔錯，而個麻辣雞翼尖都好正，連平時唔係點食嘅我都食晒。跟住到主角火鍋出場，佢個煲幾靚，唔係平時出面酒樓啲煲，個手把係龍頭，啲用具都有花心思。湯底都有幾多唔同選擇，揀咗花膠湯。呢個湯建議最後先食花膠，因為啲花膠會吸晒其他食物同個湯啲味，食落口好正。而且啲火鍋配料都好新鮮，特別推介係佢啲餃子類配料，每款都超正。雖然佢個價係貴過一般任食火鍋，但我覺得佢嘅食物質素係物超所值。唯一係最好多啲人一齊去，可以試多啲唔同食物，因為個雞煲都幾多，兩個人食嘅話食少少雞又覺得浪費，食得多雞又會好快飽，不過呢個問題同餐廳無關，只係個人建議。