影片
更多
2024-08-13
1253 瀏覽
沙田不嬲都好多好嘢食，宜家唔止新城市廣場，天橋連埋既商場亦都全部翻新哂。今晚就去左好運中心搵食，因為商場裝修完新淨左，都有好多唔同既餐廳進駐。喺商場外圍見到呢間西餐廳裝修靚，d位又闊落，亦都有好多人食，一於就試吓佢。佢個名都幾特別，叫Y pasta。餐廳都幾大，而且座位間距離非常足夠，唔會聽到隔離枱講野，又唔洗驚隔離枱聽到自己講咩🤣坐得都幾舒服👍🏻👍🏻Menu選擇好多，pizza、pasta、main同小食等等都齊。我地叫三樣野，QB 明太子帆立貝意粉，期間限定既Burrata芝士青醬pizza同埋叫左一杯野飲share，薄荷朱古力牛奶。QB 明太子帆立貝意粉我地揀左Angel Hair，意粉份量睇落好多，滿滿一大球意粉上面既明太子醬睇落都好濃郁，一拌勻，果個香味即刻出哂黎。醬汁濃郁但同意粉既比例岩岩好，食落唔會太咸，加埋飛魚籽，口感同香味更上一層帶子既sear做得好好，煎得又香口又唔會好韌期間限定嘅Burrata芝士青醬松子pizza上一次食Burrata已經係喺意大利果陣，好奈冇食，見到就想叫黎回味下pizza係薄批，有芝士做底，青醬份量唔算多，但因為佢個醬好濃，食落都好夠味👍🏻B
喺商場外圍見到呢間西餐廳裝修靚，d位又闊落，亦都有好多人食，一於就試吓佢。佢個名都幾特別，叫Y pasta。
餐廳都幾大，而且座位間距離非常足夠，唔會聽到隔離枱講野，又唔洗驚隔離枱聽到自己講咩🤣坐得都幾舒服👍🏻👍🏻
Menu選擇好多，pizza、pasta、main同小食等等都齊。我地叫三樣野，QB 明太子帆立貝意粉，期間限定既Burrata芝士青醬pizza同埋叫左一杯野飲share，薄荷朱古力牛奶。
QB 明太子帆立貝意粉
我地揀左Angel Hair，意粉份量睇落好多，滿滿一大球
意粉上面既明太子醬睇落都好濃郁，一拌勻，果個香味即刻出哂黎。醬汁濃郁但同意粉既比例岩岩好，食落唔會太咸，加埋飛魚籽，口感同香味更上一層
帶子既sear做得好好，煎得又香口又唔會好韌
期間限定嘅Burrata芝士青醬松子pizza
上一次食Burrata已經係喺意大利果陣，好奈冇食，見到就想叫黎回味下
pizza係薄批，有芝士做底，青醬份量唔算多，但因為佢個醬好濃，食落都好夠味👍🏻
Burrata濕潤軟熟，有牛奶香，口感同味道都好好，可以平衡番薄批pizza乾身既質地。加埋松子，睇落係好簡單既材料，但已經好足夠。
薄荷朱古力牛奶
野飲口感順滑，薄荷味夠，不過作為鍾意薄荷味既人，我大部分時間都想薄荷味更加勁。朱古力味都自然，而且唔會太甜，整體都唔錯。
總括黎講，餐廳野食幾好，裝修同座位都整得幾好。地方都就腳，沙田站行過黎一路都有天橋連埋唔洗曬唔洗遮雨，約朋友食飯，撐枱腳都好適合。
張貼
