影片
更多
2025-02-10
1499 瀏覽
之前都同大家介紹過淥鼎記嘅火鍋放題抵食又高質，不過一路以嚟個小菜都係食開佢哋嘅酸菜魚，今次嚟食試咗佢哋嘅雞煲，原來都好唔錯，要同大家分享吓😋今次嚟嘅觀塘店俾嘅前菜都好唔同，係個四宮格，賣相非常精緻，入面分別係烤腸、豆、酸辣鳳爪、豬手。唔單止賣相掂，味道都一樣得，等緊嘢食嘅時候食啱晒👍🏻雞煲一嚟到就好大兜，雞件都大大件，好多肉，唔似出面嗰啲好多骨冇乜肉食👍🏻炒熟之後雞肉都好入味，調味惹味得來又唔會太鹹，一嚿接一嚿咁食😍火鍋方面我哋揀咗蕃茄湯，但估唔到呢度嘅蕃茄湯係加咗芫荽嘅🥲作為唔食芫荽人士就趁佢未滾嘅時候就將佢撈咗出嚟啦😂唔食芫荽嘅話就注意。撇除芫荽嚟講，就咁睇呢個湯底顏色都睇得出蕃茄味道濃郁，味道清甜，食完雞煲唔想食咁漏，叫呢個就一流。我仲忍唔住喺落嘢食之前飲咗一碗湯😬而火鍋配料方面同之前介紹過嘅都差唔多，可以喺出面自己拎。而肉類可以自己scan QR code落單，豬、牛、羊、雞、蝦丸等等都有齊晒，另外仲有幾款海鮮eg.蠔、魚。自己最欣賞佢哋嘅係呢度嘅肉唔似出面啲火鍋放題咁切到超級薄，每塊肉都有返咁上下厚度，而且肉嘅質素有保證👍🏻每次嚟最鍾意嘅都係佢哋嘅安格斯同埋羊肉😋😋最後，嘢飲
今次嚟嘅觀塘店俾嘅前菜都好唔同，係個四宮格，賣相非常精緻，入面分別係烤腸、豆、酸辣鳳爪、豬手。唔單止賣相掂，味道都一樣得，等緊嘢食嘅時候食啱晒👍🏻
雞煲一嚟到就好大兜，雞件都大大件，好多肉，唔似出面嗰啲好多骨冇乜肉食👍🏻炒熟之後雞肉都好入味，調味惹味得來又唔會太鹹，一嚿接一嚿咁食😍
火鍋方面我哋揀咗蕃茄湯，但估唔到呢度嘅蕃茄湯係加咗芫荽嘅🥲作為唔食芫荽人士就趁佢未滾嘅時候就將佢撈咗出嚟啦😂唔食芫荽嘅話就注意。撇除芫荽嚟講，就咁睇呢個湯底顏色都睇得出蕃茄味道濃郁，味道清甜，食完雞煲唔想食咁漏，叫呢個就一流。我仲忍唔住喺落嘢食之前飲咗一碗湯😬
而火鍋配料方面同之前介紹過嘅都差唔多，可以喺出面自己拎。而肉類可以自己scan QR code落單，豬、牛、羊、雞、蝦丸等等都有齊晒，另外仲有幾款海鮮eg.蠔、魚。自己最欣賞佢哋嘅係呢度嘅肉唔似出面啲火鍋放題咁切到超級薄，每塊肉都有返咁上下厚度，而且肉嘅質素有保證👍🏻每次嚟最鍾意嘅都係佢哋嘅安格斯同埋羊肉😋😋
最後，嘢飲方面大路嘢都有，比較特別嘅係呢度有水果茶可以自己拎返一壺返埋個位度，而且味道都唔錯㗎，飲到茶味同水果之餘又唔會太甜。
張貼
