影片
更多
2023-08-31
742 瀏覽
餐廳面積非常大，設有不同區域享用廚師發辦、割烹及串燒。餐廳亦有個酒吧area，裝潢幾有格調，感覺幾chill。心思思之下揀咗串燒omakase ($550)，套餐包括前菜、刺身、串燒、丼飯、湯及甜品，同時仲送一壺(170ml)來自宮城縣純米大吟釀，唔錯喎!👍前菜 - 日本水果蕃茄沙律，蕃茄好爽脆，鮮甜多汁，食完幾開胃。😊刺身 - 有三文魚、赤身、深海池魚及赤蝦。三文魚幾肥美，赤蝦肉質爽彈，整體刺身幾新鮮。串燒 - 套餐有6款串燒，由廚師發辦，師傅會逐串用碳爐即燒，當日串燒分別有燒蝦、和牛、牛舌、手羽、冬菇及小洋蔥。和牛好juicy而且油脂好夠。😍牛舌幾厚身，食落幾軟腍，而且外層燒到微微脆身，口感唔錯。😊手羽一份2件，雞皮燒到脆卜卜，帶點碳香，外脆內軟。😆小洋蔥好清甜，帶點牛油香。串燒同時配有檸檬、七味粉、黑椒及竹炭鹽，可以隨自己喜好調味。丼飯 - 套餐本身跟一客迷你香蔥吞拿魚飯，加$98升級要咗蟹膏蟹肉甲羅燒飯，蟹膏好creamy，混合咗蟹肉，而且份量幾多，飯上面加咗黃金飛魚子及烏魚子，令丼飯更提鮮，另外仲有蔥花同紫菜，呢個飯好好食呀！👍最後仲有蟹肉味噌湯及溫室蜜瓜水玄甜品，成個套餐幾
心思思之下揀咗串燒omakase ($550)，套餐包括前菜、刺身、串燒、丼飯、湯及甜品，同時仲送一壺(170ml)來自宮城縣純米大吟釀，唔錯喎!👍
前菜 - 日本水果蕃茄沙律，蕃茄好爽脆，鮮甜多汁，食完幾開胃。😊
刺身 - 有三文魚、赤身、深海池魚及赤蝦。三文魚幾肥美，赤蝦肉質爽彈，整體刺身幾新鮮。
串燒 - 套餐有6款串燒，由廚師發辦，師傅會逐串用碳爐即燒，當日串燒分別有燒蝦、和牛、牛舌、手羽、冬菇及小洋蔥。
和牛好juicy而且油脂好夠。😍
牛舌幾厚身，食落幾軟腍，而且外層燒到微微脆身，口感唔錯。😊
手羽一份2件，雞皮燒到脆卜卜，帶點碳香，外脆內軟。😆
小洋蔥好清甜，帶點牛油香。
串燒同時配有檸檬、七味粉、黑椒及竹炭鹽，可以隨自己喜好調味。
丼飯 - 套餐本身跟一客迷你香蔥吞拿魚飯，加$98升級要咗蟹膏蟹肉甲羅燒飯，蟹膏好creamy，混合咗蟹肉，而且份量幾多，飯上面加咗黃金飛魚子及烏魚子，令丼飯更提鮮，另外仲有蔥花同紫菜，呢個飯好好食呀！👍
最後仲有蟹肉味噌湯及溫室蜜瓜水玄甜品，成個套餐幾豐富。整體餐廳環境及食物質素幾好，會想再嚟食其他菜式。另外餐廳有獨立房，啱晒一班人開party！😉
張貼
