影片
更多
2017-10-19
3391 瀏覽
第一次去秀殿嘅時候同佢改咗個別號叫「歌連臣角」因為佢嘅抽煙做得好好。秀殿唔大，bar 枱大約坐到10-12個人，再加兩張2-4人枱。無一般日本居酒屋嘅熱鬧，高談闊論，唔太光嘅半醉黃燈氣氛同一枱啤酒嘅豪爽。哩度嘅人客都比較斯文，講嘢細細聲，好似去咗5星級酒店𥚃面二千幾三千一個落樓嘅日本 fine dining 咁。對於比較「地」同大情大性嘅我每次去到秀殿都會比較收斂。縱使哩度環境同我喜歡嘅有一段距離，我仍然係久不久就會去幫襯。每次都食得好開心，好回味。原因只得一個 - 好味道。秀殿有兩個串揚師傅 - 忠師傅同 Suzuki-san。忠師傅嘅炸串炸粉好薄所以入口比較鬆脆而食物嘅水份保存得好好。但係一炸起就要快啲食，因為炸皮較薄加上食物本身嘅水份，擺耐咗會稔。Suzuki-san 做嘅串揚一樣將水份保存得好好但係炸份比阿忠師傅做嘅厚，所以比較爽脆。無論係鬆脆定爽脆，兩位師傅都將串揚嘅火喉控制得好好，令炸串好亁身，食多幾轉都唔會覺得油膩。秀殿串揚最特別嘅地方係佢每一串都會先落調味醃一下，再拍粉同麵包糠。其他串掦店大部分都唔會醃就直接拍粉炸，然後俾一大兜汁客人食嘅時候點（順便提一下大家，喺哩類串
秀殿唔大，bar 枱大約坐到10-12個人，再加兩張2-4人枱。無一般日本居酒屋嘅熱鬧，高談闊論，唔太光嘅半醉黃燈氣氛同一枱啤酒嘅豪爽。哩度嘅人客都比較斯文，講嘢細細聲，好似去咗5星級酒店𥚃面二千幾三千一個落樓嘅日本 fine dining 咁。對於比較「地」同大情大性嘅我每次去到秀殿都會比較收斂。
縱使哩度環境同我喜歡嘅有一段距離，我仍然係久不久就會去幫襯。每次都食得好開心，好回味。原因只得一個 - 好味道。
秀殿有兩個串揚師傅 - 忠師傅同 Suzuki-san。忠師傅嘅炸串炸粉好薄所以入口比較鬆脆而食物嘅水份保存得好好。但係一炸起就要快啲食，因為炸皮較薄加上食物本身嘅水份，擺耐咗會稔。Suzuki-san 做嘅串揚一樣將水份保存得好好但係炸份比阿忠師傅做嘅厚，所以比較爽脆。無論係鬆脆定爽脆，兩位師傅都將串揚嘅火喉控制得好好，令炸串好亁身，食多幾轉都唔會覺得油膩。
秀殿串揚最特別嘅地方係佢每一串都會先落調味醃一下，再拍粉同麵包糠。其他串掦店大部分都唔會醃就直接拍粉炸，然後俾一大兜汁客人食嘅時候點（順便提一下大家，喺哩類串揚店食，你只係可以將你條炸串點/浸一次㗎咋！千其千其千其唔好食一啖再翻點，因為兜汁係循環再用㗎）。本人比較鐘意秀殿嘅做法因為食到每一串嘅味道都唔同，唔會都浄係食到個汁嘅味。
秀殿嘅炸串中我推介嘅有蟹肉、大葉蝦丶鱚魚丶帶子三文魚籽丶鯡魚䰵昆布丶火腿芝士。
大蟹腳，啖啖肉得嚟食到好鮮嘅蟹味。
大葉係䔝蘇葉。䔝蘇葉包住中 size 玻璃蝦。
將鱚魚卷住炸令魚唔會太乾，啱啱好。一啲都唔腥… 我諗因為醃時落咗胡椒粉。
炸帶子仲好 juicy，三文魚籽脹卜卜，再加上沙律醬簡直極品。
鯡魚籽昆布外面脆口，鯡魚籽又好似爆炸糖咁喺口𥚃面霹靂啪喇！好味。
最後亦係我最鐘意嘅火腿芝士。可惜我唔見咗相唔可以同大家分享。我嘗試用文字介紹俾大家：大家有冇諗過有少少鹹嘅火腿再加埋一片芝士，拍上麵包糠後攞去炸會有幾咁好味呢？咬落去嘅時候好鬆脆之後你會感受到裏面嘅芝士已經溶咗，流緊出嚟之餘仲包住塊火腿。簡單來講，係無敵嘅組合。太好味喇！真係百吃不厭。
秀殿唔淨係炸串做得出色，雞翼同茶漬飯都好好味。
試諗諗食完10串八串炸串之後，再整個茶漬飯埋尾… 真係大滿足呀！
炸串$30 至 $60 一串。如果飲埋清酒，每位大約$800至$900啦。唔飲酒嘅話，大約四丶五百一個人啦。
希望大家鍾意我以上嘅介紹。如果有興趣晚飯時段去秀殿嘅話，記住預先訂枱啊。
張貼
