八木橋日式燒肉

營業中

休息中

可以傾到計既燒肉放題👍🏻👍🏻環境好安靜，可以傾到計句我地叫左雨餐，兩個鐘慢慢食。西冷好林好甜,啲肉好有肉汁。A4黑毛和牛三角腩最好食最有牛味，入口即溶，真係想叫多幾碟。第一次燒鮑魚，先知道原來個殼唔可以燒，鮑魚鮮甜彈牙有口感。值得一提：店員服務態度好，上菜速度快，值得欣賞。一啲都唔似出面嗰啲放題咁上菜慢慢嚟，好似唔想俾你食咁。同埋店員好快會幫手換燒嗰塊板，間店嘅抽氣都抽得好好，冇乜油煙。炸物都有不少選擇：炸芝士真係好好食呀，有拉絲。另外佢都有好多天婦羅嘅選擇，全部都好脆好新鮮。飲品同埋甜品嘅選擇都多，有我老公最鍾意食嘅榴槤雪條。