影片
更多
2023-11-16
58 瀏覽
無論食物 服務 同 環境，都係100分，大愛。❤先付 （開胃菜）水雲 沖繩縣水雲配上炙燒白子❤水雲味道較酸小甜，口感嫩滑得黎帶點一條條絲質口感。而炙燒白子，入口先食到白子表皮香口同爽口既外層，一咬細滑豐腴，奶油既口感。兩樣夾埋一齊食，夠哂醒胃。向付 刺身五點盛❤我再另外再加個馬糞海膽 ❤ (+$150) 有分先後次序食既~鮫碟魚❤ (最左) 先黎味道較淡，口感爽脆有咬勁，黎做首選開胃刺身三蟲魚❤ (最右) 呢隻魚未食過，所以唔識寫個名，但讀法係咁上下，魚皮燒香過，所以入口魚肉嫩滑，但帶點甘脆既口感同味道。秋刀魚❤ (前中) 較濃魚香味，魚油甘甜芳香，好鮮嫩，建議配埋wasabi一齊食牡丹蝦❤ (後) 蝦肉甜美細滑，口感綿軟得黎帶有彈性，食完回鮮味十足。馬糞海膽❤ 味道濃厚甘甜，回甘好強，極其鮮美野生吞拿魚❤ (中) 吞拿魚的原始鮮味，鮮味十足拖羅❤ (最前) 適度既脂肪，甘甜鮮美，味道酸d~再加多份牡丹蝦韃靼魚子醬鰹魚高湯啫喱 (+$200)❤ 柚子調味既新西蘭深海牡丹蝦韃靼，鮮味爽口。 水晶魚子醬 粒粒都咁飽滿，入口係卜卜卜。鰹魚高湯整成既jelly 口感同味道都好清新，爽口。三
先付 （開胃菜）水雲 沖繩縣水雲配上炙燒白子❤水雲味道較酸小甜，口感嫩滑得黎帶點一條條絲質口感。而炙燒白子，入口先食到白子表皮香口同爽口既外層，一咬細滑豐腴，奶油既口感。兩樣夾埋一齊食，夠哂醒胃。
向付 刺身五點盛❤我再另外再加個馬糞海膽 ❤ (+$150) 有分先後次序食既~
鮫碟魚❤ (最左) 先黎味道較淡，口感爽脆有咬勁，黎做首選開胃刺身
三蟲魚❤ (最右) 呢隻魚未食過，所以唔識寫個名，但讀法係咁上下，魚皮燒香過，所以入口魚肉嫩滑，但帶點甘脆既口感同味道。
秋刀魚❤ (前中) 較濃魚香味，魚油甘甜芳香，好鮮嫩，建議配埋wasabi一齊食
牡丹蝦❤ (後) 蝦肉甜美細滑，口感綿軟得黎帶有彈性，食完回鮮味十足。
馬糞海膽❤ 味道濃厚甘甜，回甘好強，極其鮮美
野生吞拿魚❤ (中) 吞拿魚的原始鮮味，鮮味十足
拖羅❤ (最前) 適度既脂肪，甘甜鮮美，味道酸d~
再加多份牡丹蝦韃靼魚子醬鰹魚高湯啫喱 (+$200)❤ 柚子調味既新西蘭深海牡丹蝦韃靼，鮮味爽口。 水晶魚子醬 粒粒都咁飽滿，入口係卜卜卜。鰹魚高湯整成既jelly 口感同味道都好清新，爽口。三層夾埋一齊食，口感同味道都不 得 了!
蓋物 茶碗蒸❤ 用上時令既天惠菇配上黑松露加蜜糖調製既醬汁，非常乾鮮既香菇氣味，滑dodo既蒸蛋散發淡淡既蛋香味再夾埋濃郁既黑松露俾返小小甜味，令呢個茶碗蒸既味道變得更豐富。
燒物 甘鯛立鱗燒 黃豆煮❤ 先介紹個牆汁係用西班牙辣肉腸 黃豆 紫蘇葉 同 羊肚菌煮成。甘鯛帶鱗而燒，將油淋落甘鯛到，令魚鱗「企哂起身」，酥 香 脆!同軟嫩既魚肉成好大對比，第二啖係配埋個醬汁食，真係好難忘。
再另外加多份藍龍蝦 蒜蓉蛋黃醬 鮟鱅魚肝泡沫及醬油魚子❤ (+$150) 法國藍龍蝦 一小塊既藍龍蝦，口感厚實得黎好有彈性，夠哂清爽鮮甜，配上鮟鱇魚醬, 蒜蓉蛋黃醬 醬油做既魚子 ，三隻唔同味道既撈埋一齊再加上龍蝦油既助攻! 一啖放入口，成餐飯，呢個係最最最大愛! 咸 甜 鮮 集於一身~
食事 海鮮丼❤ 廚師會根據每日時令既海鮮去安排呢碗海鮮丼，材料豐富，粒粒天然美味，仲有淡淡既芝麻同紫菜香氣。當中布丁蛋 既口感好特別，食起黎有D似蛋糕，但好香雞蛋唔死甜。而佢地既漬物有蘿蔔 同 牛蒡，個蘿蔔清甜得黎帶微酸，好岩我胃口!
留椀（湯品）味噌湯❤ 呢碗白味噌湯主要由油揚 白肉菇 絹豆腐 九條蔥煲成，白肉菇同絹豆腐滑dodo既口感，淡淡既干蔥香氣，飲落唔會覺好膩。
甘味（甜品）豆乳福袋❤ 真係好好味! 豆乳奶凍黑糖汁 用京都豆腐整成香脆可口既外皮，濃濃豆徇既豆乳奶凍，口感好幼滑，再配上好有咬口既白朱古力胚芽奶酥，真係好滿足!
黑芝麻朱古力❤ 朱古力口感細滑，濃郁黑芝麻香氣，食食下仲會有D粒粒脆脆，食完果陣黑芝麻既香同回甘仲會係口入面停留。
張貼
