The Musicbox Grill House & Bar

營業中

休息中

適逢今日係姜濤誕，當然要去姜濤灣趁下熱鬧，大街太多人，所以行左入內街搵食，呢間高質樓上café 唔算太多人，最岩同朋友黎傾下計坐下，一入到去仲見到有打碟機，莫非夜晚會有DJ打碟既。假期有brunch set，價錢都幾抵食，仲包餐湯或沙律，同埋飲品。餐湯已經好有誠意，好足料，味道好濃，蒜蓉包烤到好香脆。草飼澳洲肉眼牛扒配烤薯雙蛋肉眼扒5成熟，肉質呈粉紅色，牛肉味香濃，食落有口感。經典炸魚薯條炸魚竟然有兩大舊，而且唔係平時好實淨既炸魚，呢度D魚好鬆軟，外皮炸到好脆，真係食多兩舊都唔會厭。三重朱古力軟滑蛋糕為左慶祝姜濤誕，我地仲另外order左個蛋糕，呢款三重朱古力味道香濃，口感幼滑。