品越越式料理 (雅蘭中心) (已結業)

今日同fd去左行旺角，無意中發現雅蘭中心樓上嘅一間越南餐廳，雖然行街已經食左D野唔太肚餓，就係想揾個靜靜地嘅地方坐下傾下計，咁岩喺遠方度望到佢有窗口位，而D裝修又好似幾靚咁，就上左去試下。行到埋去先發現原來佢嘅入口唔係雅蘭中心一期商場度，而係喺二期果邊嘅樓梯入口上去，有少少難揾。入到去之後我地叫左店員比個靜D嘅位比我地，佢好親切咁帶左我地去最入面嘅窗邊位度坐，由窗口望出去就係熱鬧嘅彌敦道馬路，對住靚景食野，一流!因為唔太肚餓，所以我地淨係叫左一個牛粒紅飯、無骨鳳爪、牛油雞翼同兩杯飲品。無骨鳳爪作為前菜簡直一流!可能係冷盤嘅關係，我地果頭落完單，轉個頭就上左啦，真係好有效率!呢度嘅鳳爪同我以前喺泰國食過嘅唔同，冇咁辣同酸，偏甜，但作為喜愛甜野嘅我偏向鐘意呢度嘅鳳爪，甜甜地又開胃，呢種口味都比較適合啲食唔到辣嘅香港人。牛粒紅飯一落枱就聞到好香嘅蕃茄味，仲有D炒蛋喺入面。D牛粒咬落去好軟綿綿入口即溶，一D都唔韌，本來見到佢落左好多青椒，最憎食青椒嘅我本來都有D怕，但佢炒到D青椒好香，食落又冇左青椒嘅苦澀味，怕食青椒嘅我都食得津津有味，正!最後上嘅係牛油雞翼，可能因為需要焗，所以要等耐D，不過