影片
更多
2023-10-02
1391 瀏覽
丫妹剛剛考完試約食飯, 知我中意食鐵板燒, 話前排經過花園街新開咗間鐵板燒, 晚市人均最平四百蚊左右就食到, book定檯今晚同我食咗餐。餐廳以墨綠色做主調, 三組鐵板位, 另有少量坐檯位。鐵板位可以近距離欣賞師傅煮理食物過程。多款套餐價錢選擇, 另供應散點, 我地最後都揀咗個最抵食嘅一人前鐵板燒餐, 套餐跟前菜、沙律、季節蔬菜、麵豉湯、炒飯/白飯主食(自選一款)+鮑魚+大蝦+帶子/三文魚/魷魚(自選一款)價錢就視乎所選主食為定價。我地同樣揀咗---美國牛肉薄燒 HK$368/位 先送上前菜、沙律,沙律有新鮮蔬菜沙律、番茄、粟米粒, 配咗芝麻醬, 清新。鐵板廚師趁住我地食緊沙律時, 已開始煎煮鮑魚+大蝦+三文魚,廚師同時一炮過處理多款食物, 極有效率, 整餐鐵板燒只用咗一個鐘多少少就食完。(好少可食鐵板燒dinner可以咁快)鮑魚仲好生猛, 在鐵板上仲會不停郁, 加咗牛油去調配, 再以黑椒調味, 帶出了鮑魚本身鮮味, 口感爽而不硬。大蝦: 雖然蝦頭冇咩蝦膏, 不過口感好爽彈, 幾鮮。三文魚: 煎得有油光焦黃, 魚質唔會好柴。美國牛肉薄燒:廚師會先問每位食客想食幾多成熟, 而我就揀咗五成
餐廳以墨綠色做主調, 三組鐵板位, 另有少量坐檯位。鐵板位可以近距離欣賞師傅煮理食物過程。
多款套餐價錢選擇, 另供應散點, 我地最後都揀咗個最抵食嘅一人前鐵板燒餐,
套餐跟前菜、沙律、季節蔬菜、麵豉湯、炒飯/白飯
主食(自選一款)+鮑魚+大蝦+帶子/三文魚/魷魚(自選一款)
價錢就視乎所選主食為定價。
我地同樣揀咗---美國牛肉薄燒 HK$368/位
先送上前菜、沙律,
沙律有新鮮蔬菜沙律、番茄、粟米粒, 配咗芝麻醬, 清新。
鐵板廚師趁住我地食緊沙律時, 已開始煎煮鮑魚+大蝦+三文魚,
廚師同時一炮過處理多款食物, 極有效率,
整餐鐵板燒只用咗一個鐘多少少就食完。(好少可食鐵板燒dinner可以咁快)
鮑魚仲好生猛, 在鐵板上仲會不停郁, 加咗牛油去調配, 再以黑椒調味, 帶出了鮑魚本身鮮味, 口感爽而不硬。
大蝦: 雖然蝦頭冇咩蝦膏, 不過口感好爽彈, 幾鮮。
三文魚: 煎得有油光焦黃, 魚質唔會好柴。
美國牛肉薄燒:
廚師會先問每位食客想食幾多成熟, 而我就揀咗五成。
牛肉薄燒包住了脆蒜、大量蔥粒, 牛肉帶點焦香, keep到肉汁, 包住嘅配料令牛肉香氣更提升。
炒飯炒得粒粒分明, 但味道偏淡, 雖然加咗肉碎, 不過食落同食緊白飯冇分別。
最後有麵豉湯同埋甜品酥脆多士,
多士微脆, 面層有香甜焦糖, 微甜美味。
餐廳所有飲品都由隔離相連嘅COMMA飲品店提供,
而鐵板燒套餐亦提供半價加配精選飲品,
亦可以單點其他特色飲品,
【喳咋瀑布】HK$38
追加咗椰果, 喳咋中有多種豆類, 味道唔錯, 不過糖水同喳咋分層, 不能攪拌平均, 配搭感覺唔太match。
【腐竹雞蛋冰號】HK$38
呢杯值得推介, 沙冰打得幼細, 少少甜, 很有腐竹雞蛋糖水味, 不過本身就冇任何配料, 所以追加咗oreo碎同埋西米, 增加返少少口感。
張貼
