品越越式料理 (雅蘭中心) (已結業)

每當我需要一個人靜靜哋坐吓做吓功課我都會嚟呢度，皆因地點方便，餐廳環境舒適，食物好味😋差不多每次午餐都點鮮茄蟹肉丸湯檬+凍奶茶。湯底有鮮味，除咗蟹肉丸外仲有不少蟹肉、番茄肉、扎肉及肉碎。 調味方面可加魚露同青檸，如食得辣的話加埋指天椒就更惹味。 凍奶茶味道亦濃，絕配👍🏼友人到達時已是下午茶時間，因爲佢己食lunch, 我點咗法式豬頸肉扎肉三文治同佢share😋由於是即叫即製，大約要等15分鐘。 一試之下法飽果然香脆，豬頸肉及扎肉非常有質感，加上酸菜去除肉類油膩感。雖然此店座立於繁忙的旺角市內，但餐廳環境卻十分清靜，店員亦有禮，堪稱為鬧市中的綠洲👍🏼