北海道爐端燒 (已結業)

今日收工同朋友行下行下喺阿士厘道見到一間新開 居酒屋 於是想去試一試 一上到去見到門面裝修好似去咗日本咁個感覺好新鮮 雖然餐廳冇咩客人 可能係新開啦 之後再望入去廚房見到一班師傅很努力咁樣準備緊食物 一坐低就有兩位侍應即刻過來招呼我斟咗杯茶問我哋今日會唔會飲酒 經過我哋慎重考慮之後決定開一支侍應推介嘅清酒因為我有女性朋友在場所以侍應推介用白酒杯嚟飲清酒原來會減低酒嘅辛辣度非常細心 見到餐牌有我哋最喜愛嘅招牌酥脆炸雞即刻叫咗一份試下 話超好味呀酥脆皮炸雞加上秘製嘅汁醬令人有一種特別嘅感覺 之後order少量嘅刺身同一個餐牌上非常特別嘅神奇炒麵個炒麵真係好神奇個味道係你想像唔到不過最衰就係份量少咗啲囉sashimi又係非常之出色擺設非常之靚 超新鮮啦, 整體嚟講環境氣氛食物質素都非常之好 平均消費都唔係太貴 唯一嘅缺點就係個廁所比較細男女廁係共㗎不過好特別佢係用日本方式嘅厠板可以推介下朋友希望下次嚟嘅時候會有更多特別嘅菜式啦