周師傅點心 (已結業)

深水埗一向多平價美食，今次過嚟買電腦野之餘，走去睇吓街邊有乜嘢好食，突然好想食點心，就入咗去試吓啦。餐廳位於攤擋嘅地舖位置，一出地鐵站斜對面已經見到個大大嘅黃色招牌，相對地容易搵到。店員隨即安排我哋坐四人枱嘅位置，還向我們推介餐廳嘅美食點心，而且餐牌圖文並茂，食物圖片非常吸引。係等食物期間梗係嘆吓茶先啦，茶嘅味道香濃，一坐低已經飲咗幾杯了。首先嚟左蝦餃、燒賣、鳳爪同埋牛肉球等等，呢啲係食點心必食嘅食物。當中我最欣賞燒賣，一籠有兩粒大大粒之餘，而且入面好多豬肉同埋蝦肉。除此之外，鳳爪都忟得好林，好入味。餐廳嘅特別推介有脆皮馬拉糕同埋乾脆叉燒包，全部都係即叫即整，所以食落去兩款點心嘅外皮香脆之餘，馬拉糕有好鬆軟嘅口感添。最後仲叫多咗幾款食物。估唔到深水埗都有隱世嘅高質素點心店，下次必定再會encore。