大勝丼 (已結業)

無諗過喺旺角嘅鬧市入面都搵到咁高質嘅魚生飯，雖然要搭lift但上到去都勁爆場，一出lift就見到文宣牆，等位等到悶嘅話仲可以睇吓啲文宣。。。不過小編提提你最好就book咗位先去啦，慳返啲時間食完再去幫襯多幾間黃店嘛😝 嚟到大勝丼食飯，可以叫餐牌上面嘅丼飯，又可以嗌自選丼，仲有碗麵豉湯跟埋～餐牌入面仲有個$148嘅「厚切三文魚雙子丼」，同「北海道三式丼」一樣有三文魚同帶子，唔同嘅係雙子丼有三文魚子，但三式丼就有海膽，諗咗好耐加90蚊三文魚子轉海膽抵唔抵，好彩食落口發現自己無揀錯😆 海膽無苦味，好清甜勁新鮮，三文魚勁厚切，feel到啲魚油，帶子就好大粒好鮮甜，度過每粒有5cm😂 啲wasabi都係日本正宗嗰啲，但小心如果一大嚿啪入口都會好似食TG咁🙈 整體嚟講超高質，正到哇哇聲，唔夠飽仲可以加麵豉湯同加飯🥳