影片
更多
2016-02-26
345 瀏覽
喺中環做嘢，客人有事遲到，FINE,趁機嘆杯咖啡輕鬆一下。有人話，現代都市人，一日當中，工作同家庭已佔據人生所有時間，容易做成不能排遣嘅壓力，所以每日需要有公司屋企以外嘅「第三空間」去放空自己，那怕只係上吓網，睇吓書，喺一個暫時放低家庭同公司兩方面嘅責任，無拘無束地享受「獨自」嘅空間，每日只需𣎴多於30分鐘清空嘅時光，已經可以大大釋放壓力。所以S記咖啡能夠在全球大城市迅速發展，正正係提供咗一個閑適嘅「第三空間」 本來我都諗住去IFC間S記，途經半山扶手梯，見到一間未見過嘅CAFE,近睇原來係連鎖嘅HOLLY BROWN,喺扶手梯旁靜佇一角，午市忙碌過後，餐廳比我一枱客獨佔，最適合嘆咖啡寫食評。 餐廳一眼睇晒，厨房咖啡吧都一目了然，能夠睇晒所有食品嘅製作過程，自然對衛生有信心。雖然食物選擇唔算多，但最特別係提供一系列其他CAFE少見嘅BEGALS。 SMOKED SALMON POPPY SEED BEGAL$62BEGAL先用焗爐烘熱，麵包變得暖笠笠，上面鋪滿POPPY SEED,除咗八九十年代嘅港式麵包舖，已經好耐無食到罌粟籽包。根據維基百科記載，罌粟
喺中環做嘢，客人有事遲到，FINE,趁機嘆杯咖啡輕鬆一下。有人話，現代都市人，一日當中，工作同家庭已佔據人生所有時間，容易做成不能排遣嘅壓力，所以每日需要有公司屋企以外嘅「第三空間」去放空自己，那怕只係上吓網，睇吓書，喺一個暫時放低家庭同公司兩方面嘅責任，無拘無束地享受「獨自」嘅空間，每日只需𣎴多於30分鐘清空嘅時光，已經可以大大釋放壓力。所以S記咖啡能夠在全球大城市迅速發展，正正係提供咗一個閑適嘅「第三空間」
本來我都諗住去IFC間S記，途經半山扶手梯，見到一間未見過嘅CAFE,近睇原來係連鎖嘅HOLLY BROWN,喺扶手梯旁靜佇一角，午市忙碌過後，餐廳比我一枱客獨佔，最適合嘆咖啡寫食評。
餐廳一眼睇晒，厨房咖啡吧都一目了然，能夠睇晒所有食品嘅製作過程，自然對衛生有信心。雖然食物選擇唔算多，但最特別係提供一系列其他CAFE少見嘅BEGALS。
SMOKED SALMON POPPY SEED BEGAL & AMERICANO
$100
38 瀏覽
0 讚好
0 留言
SMOKED SALMON POPPY SEED BEGAL$62
BEGAL先用焗爐烘熱，麵包變得暖笠笠，上面鋪滿POPPY SEED,除咗八九十年代嘅港式麵包舖，已經好耐無食到罌粟籽包。根據維基百科記載，罌粟含嗎啡成份，枝、葉、殻均帶毒性，唯獨罌粟籽含毒輕微，兼且營養豐富。太深入嘅知識我唔了解。但我只係知道，面前呢個包，烘過嘅POPPY SEED香氣撲鼻，而且咬落去卜卜脆，煙三文魚鹹香，入口即溶，配合略帶苦味嘅火箭菜，平衡油膩感，一啖入口，同時感受到香、脆、鹹、苦四種滋味。
AMERICANO $32
咖啡即叫即做，濃香無澀味，少奶微甘正是我最喜歡嘅口味。比起S記都豪不遜色。
無意得來嘅一個小時，獨處第三空間，品嚐到高質嘅咖啡小食，的確可以釋放壓力，亦比機會我知道，下次去邊度搵到令人回味嘅BEGAL。
張貼
