影片
更多
2022-08-27
529 瀏覽
快過YouTubers之 Mangia餐廳好多時都會睇完YouTube介紹既餐廳走去試，都有一半伏架。與其次次做二仔，今次決定做帶隊。在第三街比個修路機擋住既呢間Mangia係我今日既選擇。店剛開業不久，原來我今日係佢第一間做lunch。意大利野好多平時唔識叫既頭盤今次決定試下。老闆當然話樣樣都好食啦，最後都介紹左三個頭盤我哋食。第一個Gazpacho，我覺得似有啲餐廳既開胃飲品，真係開胃，但除左酸之外最驚喜既係裡面隱藏左啲西瓜粒，平均返個酸味👍第二樣係Burrata.講真，如果我自己睇menu我唔會叫，但老闆建議到就即管試吓啦。我唔係食家，食唔出個主題係芝士定忌廉，但我覺得最出人意表既係，平時唔鍾意香草汁同花椒既我竟然會接受到兩種材料混合出黎既味道😂第三碟係hibernated beef tartare.我從來都唔敢試韓式生牛肉，但carpaccio同beef tartar我又肯食。白色炸脆片以為係蝦片但完來係米紙，放啲beef tartare同點少少熟成mayonnaise落去一啖食好滿足❤️主菜叫了兩款意粉同一款肉。講左個肉先，一大舊肉我見到會怕鞋，而佢呢個處理得好好，好tende
好多時都會睇完YouTube介紹既餐廳走去試，都有一半伏架。與其次次做二仔，今次決定做帶隊。
在第三街比個修路機擋住既呢間Mangia係我今日既選擇。店剛開業不久，原來我今日係佢第一間做lunch。
意大利野好多平時唔識叫既頭盤今次決定試下。老闆當然話樣樣都好食啦，最後都介紹左三個頭盤我哋食。
第一個Gazpacho，我覺得似有啲餐廳既開胃飲品，真係開胃，但除左酸之外最驚喜既係裡面隱藏左啲西瓜粒，平均返個酸味👍
第二樣係Burrata.講真，如果我自己睇menu我唔會叫，但老闆建議到就即管試吓啦。我唔係食家，食唔出個主題係芝士定忌廉，但我覺得最出人意表既係，平時唔鍾意香草汁同花椒既我竟然會接受到兩種材料混合出黎既味道😂
第三碟係hibernated beef tartare.我從來都唔敢試韓式生牛肉，但carpaccio同beef tartar我又肯食。白色炸脆片以為係蝦片但完來係米紙，放啲beef tartare同點少少熟成mayonnaise落去一啖食好滿足❤️
主菜叫了兩款意粉同一款肉。講左個肉先，一大舊肉我見到會怕鞋，而佢呢個處理得好好，好tender,食完唔駛搵牙籤。個汁加左啲朱古力令到個味「成人」一啲，整體出色。老闆話啲意粉都係手工做既。第一款Tiger Prawn Aglio E Olio，好味既，就正常同類意粉咁，唔heavy.第二款shredded beef and tripe ragu. Tripe係內臟，佢哋用牛肚，牛肚本身個味好霸道，其他香料落少啲都會變成中式食品，而今次都食到意大利風味既🇮🇹
暫時餐牌得兩個甜品，都試埋啦。第一款都係我平時唔會叫既homemade ricotta mousse.我好怕食成個cheese,但佢呢個做得好light，食完都唔會有濟既感覺。另一款catlana mousse,好似係一啲飲食比賽，比某一菜式既材料你要創造新既菜式既製成品。材料明明係tiramisu既野，呢間店就做到自己既味道。本身tiramisu既口感好單人哋淋，但佢哋個lady finger無完全浸淋晒，留返少少脆口。另外加左橙香我食完個口都仲係比呢個味包圍住，覺得一餐好完滿🤗
老闆話因為試業中價錢有可能有會變所以無謂比個價錢大家怕會誤導各位啦。
食完落山發現有個地方叫ArtLane,我建議大家可以搵日去完Mangia食飯，再行落去Artlane影下民青照就好完滿啦👌
張貼